ကတာမေ ရက္ခာ၊ ကတံမေ ပရိတ္တံ၊ ပဋိက္ကမန္တု ဘူတာနိ၊
သောဟံ နမော ဘဂဝတံ၊ နမော သတ္တန္နံ သမ္မာသမ္ဗုဒ္ဓါနံ။
အနက် –
မေ = ဘုရားတပည့်တော်သည်၊
ရက္ခာ = ခုနစ်ဆူ မြတ် ရည်မျှော်မှတ်လျက် တုပ်ဝပ်ရိုကျိုး အစောင့်အရှောက်မျိုးကို၊
ကတာ = ဒိသာ ဆယ်ရပ် ဝန်းရံပတ်လျက် ပြုအပ်ပါပေပြီ၊
မေ= ဘုရားတ ပည့်တော်သည်၊
ပရိတ္တံ= ဘေးရန်အများ ဝေးရာရှားဖို့ မြတ်သော အရံအတားကို၊
ကတံ= ကိုယ်တွင်းကိုယ်ပြင် စီစ ဉ်ရည်မှတ် ပြုအပ်ပါပေပြီ၊
ဘူတာနိ= ရန်သူဖြစ်ငြား သတ္တဝါအများတို့သည်၊
ပဋိက္ကမန္တု= ဝေးရာတစ်ပါး ရှောင်ရှား ဖဲခွါ ကြပါစေကုန်သတည်း။
သောဟံ-သော အဟံ= ခုနစ်ဆူဘုရား ညွတ်တွားဦးချီ ဘုရားတပည့်တော်သည်၊
ဘဂဝတံ= ဘုန်းရောင်တင့်ကြွား အရှင်မြတ်ဘုရားတို့အား၊
နမော= တုပ်ဝပ်ရိုကျိုး မာန်ညွန့်ချိုး၍ ရှိခိုးပါ၏ အရှင်ဘုရား။
သတ္တန္နံ= ခုနစ်ဆူကုန်သော၊
သမ္မာသမ္ဗုဒ္ဓါနံ = သဗ္ဗညုသခင် ရှင်တော်မြတ် ဘုရားကြီးတို့အား၊
နမော= ဆယ်လက်စုံမိုး ရိုညွတ်ကျိုးလျက် ရှိခိုးပါ၏ဘုရား။
- လယ်တီဆရာတော်ကြီး၏ ခုနစ်ဆူဘုရားရှိခိုး