ရူပက္ခန္ဓာ၊ ဝေဒနာက္ခန္ဓာ၊ သညာက္ခန္ဓာ၊ သင်္ခါရက္ခန္ဓာ၊ ဝိညာဏက္ခန္ဓာဟူ၍ ခန္ဓာငါးပါးရှိရာ ရုပ် ၂၈ ပါးကို ရူပက္ခန္ဓာ ဟုခေါ်သည်။ ဝေဒနာ စေတသိက်ကို ဝေဒနာက္ခန္ဓာ ဟုခေါ်သည်။ သညာ စေတသိက်ကို သညာက္ခန္ဓာ ဟုခေါ်သည်။ ဝေဒနာ၊ သညာ မှကြွင်းသော စေတသိက် ၅၀ ကို သင်္ခါရက္ခန္ဓာ ဟုခေါ်သည်။ စိတ်တခုယုတ် ၉၀ (=၈၉) အကျယ် ၁၂၁-ပါးကို ဝိညာဏက္ခန္ဓာဟု ခေါ်သည်။
အတိတ်၊ အနာဂတ်၊ ပစ္စုပ္ပန်၊ အဇ္စျတ္တ၊ ဗဟိဒ္ဓ၊ ဟိန၊ ပဏီတ၊ ဒူရ၊ သန္တိက အားဖြင့် ပေါင်းစုထားသော များပြားသော ရုပ်၊ ဝေဒနာ၊ သညာ၊ သင်္ခါရတို့ကို ငါးပုံငါးစု ပေါင်းစုခြင်းကြောင့် ပဥ္စက္ခန္ဓာ ဟုခေါ်သည်။
၁-ရူပက္ခန္ဓာ=ဖောက်ပြန်ပျက်စီး မသိတတ်သည့်သဘော။
၂-ဝေဒနက္ခန္ဓာ=ကောင်း,မကောင်း ခံစားတတ်သည့်သဘော
၃-သညာက္ခန္ဓာ=မှတ်သားတတ်သည့်သဘော။
၄-သင်္ခါရက္ခန္ဓာ=ပြုပြင်စီမံ တိုက်တွန်းတတ်သည့်သဘော။
၅-ဝိညာဏက္ခန္ဓာ=ကြံစည်တွေးတောစဉ်းစားတတ်သည့်သဘော။