၁။ သဒ္ဓါသမ္ပဒါ – သဒ္ဓါတရားရှိခြင်း၊ မြတ်စွာဘုရား၏ အရဟတ္တမဂ်ဉာဏ် သဗ္ဗညုတဉာဏ်တော်ကို ယုံကြည်ခြင်း၊အရဟံအစ ဘဂဝါအဆုံးကိုးပါးသော ဂုဏ်တော်တို့ကို ယုံကြည်မှုနှင့်ပြည့်စုံခြင်း။
၂။ သီလသမ္ပဒါ – ငါးပါးသီလနှင့် ပြည့်စုံခြင်း။
၃။ စာဂသမ္ပဒါ – စွန့်ကြဲပေးကမ်း လှူဒါန်းမှုနှင့်ပြည့်စုံခြင်း။ မစ္ဆရိယ အညစ်အကြေးကင်းသောစိတ်ဖြင့် လွတ်လွတ်ကျွတ်ကျွတ် စွန့်ကြဲလေ့ရှိခြင်း၊ စွန့်ကြဲအံ့ဟု အမြဲ ဆေးကြောထားအပ်သော လက်ရှိခြင်း၊ စွန့်ကြဲခြင်း၌ မွေ့လျော်ခြင်း၊ တောင်းခံခြင်းငှါ ထိုက်ခြင်း၊ ပေးကမ်း ဝေခြမ်းခြင်း၌ မွေ့လျော်ခြင်း။
၄။ ပညာသမ္ပဒါ – ရုပ်နာမ်ဓမ္မတို့ကို ဖောက်ထွင်း၍ သိမြင်နိုင်သော ဝဋ်ဆင်းရဲကုန်ရာ နိဗ္ဗာန်သို့ရောက်ကြောင်းဖြစ်သော ရုပ်နာမ်ဓမ္မတို့၏ ဖြစ်မှု ပျက်မှုသဘောကို ထိုးထွင်း၍ သိမြင်နိုင်သောပညာနှင့် ပြည့်စုံခြင်း။
အင်္ဂုတ္တိုရ်၊ တ – ၁၀၇၊ ဒီဃဇါဏုသုတ်