၁။ ဘဝတောတံ ဟဝေ ဗုဒ္ဓေါ၊ တိဏ္ဏော လောကန္တဂူဝိဒူ၊
ဧတေန သစ္စဝဇ္ဇေန၊ ဂမနံ မေ သမိဇ္ဈတု။
၂။ ယဒိ သန္တိ ဂမော မဂ္ဂေါ၊ မောက္ခေါ စ အစ္စန္တိကံသုခံ၊
ဧတေန သစ္စဝဇ္ဇေန၊ ဂမနံ မေ သမိဇ္ဈတု။
၃။ သံဃော ဝေ တိဏ္ဏကန္တာရော၊ ပုညက္ခေတ္တော အနုတ္တရော၊
ဧတေန သစ္စဝဇ္ဇေန၊ ဂမနံ မေ သမိဇ္ဈတု။
အနက် –
၁။ ဗုဒ္ဓေါ – သဗ္ဗညု ဗုဒ္ဓ အမည်ရသည့် လောကထွတ်ထား မြတ်ဘုရားသည်၊ ဟဝေ – စင်စစ် ဧကန်အမှန်ပင်၊ ဘဝသောတံ – ဘဝသုံးသွယ် ရေပြင်ကျယ်ကို၊ တိဏ္ဏော – နိဗ္ဗာန်ထုတ်ချောက် မှာကမ်းရောက်အောင် ကူးမြောက်တော် မူလေပြီ (ဝါ) ကူးမြောက်တော်မူပြီးဖြစ်ရကား၊ လောကန္တဂူ – လောကဓံ အဆုံးသို့ နှလုံးကြည်ဖြူ ဆိုက်ရောက်တော်မူလေပြီ၊ ဝိဒူ – ခပ်သိမ်းသော တရားတို့ကို ပိုင်းခြားထင်ထင် သိမြင်တော်မူလေပြီ။
ဧတေန သစ္စဝဇ္ဇေန – ဝစီမင်္ဂလာ ဤသစ္စာစကားကြောင့်၊ မေ – အကျွန်ုပ်၏၊ ဂမနံ – ယခုခရီးသွားခြင်း ကိစ္စခပင်းသည်၊ သမိဇ္ဈတု – သိဒ္ဓိဝှန်ထောက် တံခွန်ဆောက်၍ ပြီးမြောက်ကုံလုံ ပြည့်စုံပါစေသတည်း။ (ဝါ) အန္တရာယ်မမှောက် ရန်မမှောင့်ပဲ ထမြောက်ကုံလုံ ပြည့်စုံပါစေသတည်း။
၂။ မဂ္ဂေါ – လောကုတ္တရာတရား အရိယာမဂ် လေးပါးသည်၊ ယဒိဇာတု – စင်စစ်ဧကန် အမှန်ပင်၊ သန္တိဂမော – နိဗ္ဗာန်ထုတ်ချောက် ရောက်စေနိုင်၏၊ မောက္ခါစ – အရိယာမဂ်ဖြင့် ရောက်အပ်နိဗ္ဗာန် တရားမြတ်သည်လည်း၊ အစ္စန္တိကံသုခံ – ချမ်းသာစင်စစ် ဧကန်ဖြစ်၏။
ဧတေန သစ္စဝဇ္ဇေန – ဝစီမင်္ဂလာ ဤသစ္စာစကားကြောင့်၊ မေ – အကျွန်ုပ်၏၊ ဂမနံ – ယခုခရီးသွားခြင်း ကိစ္စခပင်းသည်၊ သမိဇ္ဈတု – သိဒ္ဓိဝှန်ထောက် တံခွန်ဆောက်၍ ပြီးမြောက်ကုံလုံ ပြည့်စုံပါစေသတည်း။ (ဝါ) အန္တရာယ်မမှောက် ရန်မမှောင့်ပဲ ထမြောက်ကုံလုံ ပြည့်စုံပါစေသတည်း။
၃။ သံဃော – ပရမတ္တ အရိယာ သံဃာတော်မြတ်သည်၊ ဝေ – စင်စစ်ဧကန်အမှန်ပင်၊ တိဏ္ဏကန္တာရော – သံသရာ ခရီးခဲကို အံ့အဲစလောက် ဘက်ကမ်းရောက်အောင် ကူးမြောက်ပြီး ဖြစ်တော်မူလေသည်၊ အနုတ္တရော – အတုမရှိ လွန်မြတ်ဘိသော၊ ပုညက္ခေတ္တော – ကောင်းမှုမျိုးကို စိုက်ပျိုးကြဲချရာ လယ်ယာမြေစစ် ပုညခေတ်လည်း ဖြစ်ပါပေ၏။
ဧတေန သစ္စဝဇ္ဇေန – ဝစီမင်္ဂလာ ဤသစ္စာစကားကြောင့်၊ မေ – အကျွန်ုပ်၏၊ ဂမနံ – ယခုခရီးသွားခြင်း ကိစ္စခပင်းသည်၊ သမိဇ္ဈတု – သိဒ္ဓိဝှန်ထောက် တံခွန်ဆောက်၍ ပြီးမြောက်ကုံလုံ ပြည့်စုံပါစေသတည်း။ (ဝါ) အန္တရာယ်မမှောက် ရန်မမှောင့်ပဲ ထမြောက်ကုံလုံ ပြည့်စုံပါစေသတည်း။
အညွှန်း –
- အပ၊ ၂၊ ၁၂၀
- မဟာ ကပ္ပိန မင်းကြီး မြတ်စွာဘုရားထံသို့ အသွား ခရီးကြားဝယ် ရွတ်ဆိုသော ဂါထာဖြစ်သည်။
- အဘိဓဇ မဟာရဋ္ဌဂုရု တိပိဋကဓရ ဓမ္မဘဏ္ဍာဂါရိက ဦးဝိစိတ္တသာရာဘိဝံသ မင်းကွန်းဆရာတော် ဘုရားကြီး ခရီးမထွက်မီ သုံးဆယ့်နှစ်ခေါက် သရဇ္ဈာန်လေ့ရှိသည်။
- မဟာဗုဒ္ဓဝင် (ဆဋ္ဌမတွဲ၊ ပထမပိုင်း) မဟာ ကပ္ပိန မထေရ်အကြောင်း၊ နှာ (၅၅၄)
- မြစ်ကူး ချောင်းကူး ခရီးသွားရာတွင် ရွတ်ဆိုရန်ဖြစ်သည်။