- သြောင်း…တစ်ရာ့ရှစ်ကွက် ဗုဒ္ဓစက်
- တစ်ဆယ့်လေးချက် ဓမ္မစက်
- တစ်ဆယ့်ရှစ်ချက် သံဃာ့စက်
- လရောင်ဝင်းလျက် ရှင်ပစ္စေကဗုဒ္ဓါ ရဟန္တာစက်
- မြင်းမိုရ်တောင်ဦး မကကျူးလျက် မိဘစက်
- ဂုဏ်ကျေးဇူးကို အထူးသိလျက် ဆရာ့စက်
- ဝရဇိန်လက်နက် ဗြဟ္မာစက်
- မိုးကြိုးလက်နက် သိကြားစက်
- လောင်မီးကျလျက် နတ်တို့စက်
- ဘွဲ့ဖြူလက်နက် ဘီလူးစက်
- အတောင်အဟုန်ပြင်းလျက် ဂဠုန်စက်
- အာခံတွင်းက ဝင်းဝင်းတောက်လျက် နဂါးစက်
- သုံးထောင်သင်္ချာ ဟေမဝန္တာ အာဏာစိုးလျက် သီဟစက်
စက်ကြီး တစ်ဆယ့်သုံးပါး ရွတ်သံကြားက ဘေးများမြင်မှု မကောင်းစုတို့ ဝေးကကြဥ်ရှောင် အောင်စေတတ်သည် မြတ်သည့်ဆရာ ပညာတည်း။
သြောင်း နမော ဗုဒ္ဓါ နုဘာဝေန
သြောင်း နမော ဓမ္မော နုဘာဝေန
သြောင်း နမော သံဃာ နုဘာဝေန
သြောင်း နမော ဒူရေ ဒူရေ သွားဟုံဟုံ။
ရှင်းလင်းချက် –
စက် – တန်ခိုးတော်
တစ်ရာ့ရှစ်ကွက် – မြတ်စွာဘုရား၏ ခြေဖဝါးတော်၌ ပါရှိသော စက်လက္ခဏာတော် (၁၀၈)ပါး
တစ်ဆယ့်လေးချက် – မဂ်လေးပါး၊ ဖ်ုလ်လေးပါးနှင့် တရားဂုဏ်တော် ခြောက်ပါးကို ပေါင်းသော် တစ်ဆယ့်လေးချက် ဖြစ်သည်။
တစ်ဆယ့်ရှစ်ချက် – အရိယာသံဃာ (၈)ပါး၊ သမ္မုတိသံဃာ(၁)ပါးနှင့်သံဃာ့ဂုဏ်တော် (၉)ပါးကို ပေါင်းသော် တစ်ဆယ့်ရှစ်ချက်ဖြစ်သည်
သြောင်း – သိဒ္ဓိဟူသမျှ ပြီးမြောက်ပါစေသတည်း
ဒူရေ ဒူရေ – အလွန်ဝေးသော နေရာသို့
သွားဟုံဟုံ – ကောင်းကျိုးချမ်းသာ မင်္ဂလာအပေါင်းနှင့် ပြည့်စုံပါစေသတည်း။
အညွှန်း –
အိပ်ရာဝင်တိုင်း ရွတ်လေ ဘေးကင်းလေ ဖြစ်၏။