စီရံ ပါလေသု မံ ဗုဒ္ဓေါ၊ ဓမ္မော ရမတု မာနသေ၊
သံဃော ဒါတု သုခံ သဗ္ဗ၊ ဒေဝါမာနေန္တု မံသဒါ။
အနက် –
ဗုဒ္ဓေါ – သစ္စာလေးရပ် တရားမြတ်ကို ဆတ်ဆတ်သိမြင် ဘုရားရှင်သည်၊ မံ – ယုံကြည်မြတ်နိုး လက်စုံမိုးလျက် ရှိခိုးဝပ်တုပ် အကျွန်ုပ်ကို၊ စိရံ – ကာလများစွာ မြင့်ကြာရှည်အောင်၊ ပါလေသု – ဘေးဒဏ်ရန်မှောင့် မလာရောက်အောင် စောင့်ရှောက်တော် မူပါစေသတည်း။
ဓမ္မော – မဂ်ဖိုလ်နိဗ္ဗာန် ဓမ္မက္ခန်ဟု ဆယ်တန်ပိုင်းဖြတ် တရားတော်မြတ်သည်၊ မေ – ယုံကြည်မြတ်နိုး လက်စုံမိုးလျှက် ရှိခိုးဝပ်တုပ် အကျွန်ုပ်၏၊ မာနသေ – သဒ္ဓါဇောဖိတ် ကုသိုလ်စိတ်၌၊ စိရံ – ကာလများစွာ ကြာရှည်မြင့်အောင်၊ ရမတု – ကိန်းအောင်းမွေ့လျော် တည်တော်မူပါစေသတည်း။
သံဃော – မဂ္ဂဋ္ဌာန် ဖလဋ္ဌာန် ရှစ်တန်အရိယာ မြတ်သံဃာသည်၊ မေ – ယုံကြည်မြတ်နိုး လက်စုံမိုးလျက် ရှိခိုးဝပ်တုပ် အကျွန်ုပ်အား၊ သုခံ – လောကုတ်လောကီ နှစ်လီပေါင်းစု ချမ်းသာမှုကို၊ စိရံ – ကာလများစွာ မြင့်ရှည်ကြာအောင်၊ ဒါတု – လိုရာပြီးမြောက် ခရီးပေါက်အောင် ချီးမြှောက် ပေးသနားတော် မူပါစေသတည်း။
သဗ္ဗေ – ကြွင်းမဲ့ ဥဿုံ အလုံးစုံကုန်သော၊ ဒေဝါ – သမာမာဒေဝစောင့်ကြပ် အရပ်ရပ် နတ်မြတ်နတ်ကောင်း နတ်အပေါင်းတို့သည်၊ မံ – ချမ်းသာစီးပွား အကျိုးများကို လိုလားပြုလုပ် အကျွန်ုပ်အား၊ သဒါ – နေ့ရော ညဉ့်ပါ ဘယ်ခါမလပ်၊ မာနေန္တု – နှစ်ရပ်အကျိုး မပြတ်ကိုးအောင် မြတ်နိုးချစ်ခင်ကြပါစေသတည်း။
အညွှန်း –
- မင်းတုန်းမင်း နံနက် အိပ်ရာထ မျက်နှာသစ်ရာတွင် ပွားများလေ့ရှိကြောင်း မှတ်သားရသည်။