မယံ ဝိရာဂံ အမတံ ပဏီတံ၊
ယဒဇ္ဈဂါ၊ သကျမုနီ သမာဟိတော။
နတေန ဓမ္မေန သမတ္တိ ကိဉ္စိ၊
ဣဒမ္ပိ ဓမ္မေ ရတနံ ပဏီတံ၊
ဧတေန သစ္စေန သုဝတ္တိ ဟောတု။
အနက်(မဟာ ဂန္ဓါရုံ အရှင်ဇနကာဘိဝံသ) –
(သန္တံ – ဖြစ်ပျက်မစပ် အငြိမ်းဓါတ်ဖြင့် မပြတ်ပုံသေ အေးမြပေထသော) မယံ – ရုပ်နာမ်ဆူဆူ အပူခပ်သိမ်း ကုန်ငြိမ်းကြောင်းလည်း ဖြစ်ပေထသော၊ ဝိရာဂံ – ရုပ်နာမ်အဆက် အကုန်ပျက်သဖြင့် မတပ်မက်ကြောင်းလည်း ဖြစ်ပေထသော၊ အမတံ – ဇရာ မရဏ ရှာမရအောင် ကာလပုံသေ အမြုတေလည်း ဖြစ်ပေထသော၊ ပဏီတံ – အရသာစှိ စားဖွယ်၏သို့ သိ၍မဝ မွန်မြတ်ပေထသော၊ ယံဓမ္မံ – အသင်္ခတ နိဗ္ဗာနံ ဓါတ် အကြင်တရားတော်မြတ်ကို၊ သမာဟိတော – ဘာဝနာ ကမဋ္ဌာန်း လွန်ကြိုးပမ်းသဖြင့် စိတ်စွမ်းတည်ဘိ သမာဓိရှိတော်မူသော၊ သကျမုနီ – သာကီနွယ်ဖွား ငါတို့ဘုရားသည်၊ အဇ္ဈဂါ – ဗောဓိအောင်မြေ ပလ္လင်ဗွေ၌ လေးထွေသစ္စာ သိသောခါဝယ် ကောင်းစွာလှလှ ရတော်မူခဲ့လေပြီ။
တေန ဓမ္မေန – သင်္ခတ နိဗ္ဗာနဓါတ် ထိုတရားတော်မြတ်နှင့်၊ တမံ – တနးတူထား၍ ရှုစားလောက်သော၊ ကိဉ္စိ – တမျိုးတခြား တရားဆိုင်ရာ တစ်စုံတစ်ခုသော ရတနာသည်၊ နအတ္ထိ – လူ့ဘုံ နတ်ရောက် အကုန်ပေါက်အောင် မွှေနှောက်ရှာဖွေ မရှိပါချေ၊ ဓမ္နေ အသင်္ခတ – နိဗ္ဗာနဓါတ် တရားမြတ်၌၊ ပဏီတံ – တရားများစွာ ရတနာထက် ကဲသာမြတ်မွန် တုဘက်လွန်သော၊ ဣဒမ္ဗိရတနံ – ရတနာဖြစ်ကြောင်း ကောင်းထက်ကောင်းသည့် ဂုဏ်ပေါင်းကိုခြုံ၊ ဤခယဝိရာဂ စသော ဂုဏ်တော်သည်၊ အတ္ထိ – စင်စစ်ဧကန် အမှန်မသွေ ရှိပါပေ၏။ ဧသေန သစ္စေန – မှန်ကန်လှစွာ ဤဝစီ သစ္စာကြောင့်၊ ပါဏီနံ – ဘေးရန်ခပ်သိမ်း အေးငြိမ်းကြလို များလူဗိုလ်တို့အား၊ သုဝတ္တိ – တင့်တယ်ဖို့ရန် အတန်တန်ဖြင့် ဘေးရန်ခပ်သိမ်း အေးငြိမ်းခြင်းသည်၊ ဟောတု – စင်စစ်မသွေ ဖြစ်ပါစေသတည်း။
အညွှန်း –
- ရတနသုတ်လာ ဂါထာဖြစ်သည်။
- ရေမန်းအဖြစ် အသုံးပြုနိုင်သည်။