ဧဝံ အစိန္တိယာ ဗုဒ္ဓေါ၊ ဗုဒ္ဓ ဓမ္မာ အစိန္တိယာ။
အစိန္တိယေ ပသန္နာနံ၊ ဝိပါကော ဟောတိ အစိန္တိယော။
(တစ်နည်း)
ဧဝံ အစိန္တိယာ ဗုဒ္ဓါ၊ ဗုဒ္ဓဂုဏာ အစိန္တိယာ။
ဧဝံ အစိန္တိယာ ဓမ္မာ၊ ဓမ္မဂုဏာ အစိန္တိယာ။
ဧဝံ အစိန္တိယာ သံဃာ၊ သံဃဂုဏာ အစိန္တိယာ။
အစိန္တိယေ ပသန္နာနံ၊ ဝိပါကော ဟောတိ အစိန္တိယော။
အနက် –
ဧဝံ – ဤသို့ဟောကြားဆိုအပ်ပြီးသော အပြားအားဖြင့်၊ ဗုဒ္ဓါ – သစ္စာလေးပါး ပိုင်းခြားသိမြင် ဘုရားရှင်တို့သည်၊ အစိန္တိယာ – မကြံအပ် မကြံစည်နိုင်သော တန်ခိုးဂုဏ်ဖြင့် ပြည့်စုံတော်မူကြပေကုန်၏။
ဗုဒ္ဓ ဓမ္မာ – မြတ်စွာဘုရား ဟောကြားမြွက်ဖော် တရားတော်တို့သည်၊ အစိန္တိယာ – မကြံအပ် မကြံစည်နိုင်သော တန်ခိုးဂုဏ်တော်နှင့် ပြည့်စုံတော် မူကြပေကုန်၏။ အစိန္တိယေ – မကြံအပ် မကြံစည်နိုင်သော တန်ခိုးဂုဏ်တို့နှင့် ပြည့်စုံတော်မူကြကုန်သော မြတ်စွာဘုရားတို့ကို၊ ပဿန္နာနံ – သဒ္ဓါပိုမို ကြည်ကြိုကြကုန်သော လူ နတ် ဗြဟ္မာ သတ္တဝါတို့အား၊ အစိန္တိယော – မကြံအပ် မကြံစည်နိုင်သော၊ ဝိပါကော – လူ နတ် နိဗ္ဗာန် သုံးတန်တိုးပွား အကျိုးတရားသည်၊ ဟောတိ – မုချမသွေ ဖြစ်နိုင်ပါပေ၏။
အညွှန်း –
- ခုဒ္ဒကနိကာယ်၊ ဗုဒ္ဓ အပါဒါန်ပါဠိတော် (အပ၊ ၁၊ ၇)
- အနည်းဆုံး ကိုးခေါက်ရွတ်ဆိုပြီးနောက် နှစ်သက်ရာ ဘုရားဂုဏ်တော် တစ်ပါးပါးကို အဓိဋ္ဌာန်၍ စိပ်ပါ။
- ပြီးလျှင် “ဘုရား တပည့်တော်သည် သူတစ်ထူးဒုက္ခရောက်နေသည်ကို တွေ့ကြုံခဲ့သော် တိတိကျကျ ကူညီကယ်တင်နိုင်သူ ဖြစ်ရပါလို၏” ဟု ဆုတောင်းပါ။
- မကြံစည်နိုင်သော အကျိုးထူးများ ရမည်။
ဖြစ်သင့်တာ ဟူသမျှ ဖြစ်မည်။