- ဒါနပါရမီ – စွန့်ကြဲပေးကမ်း လှူဒါန်းခြင်း၊
- သီလပါရမီ – ကိုယ်၊ နှုတ်တို့၌ အပြစ်မဖြစ်အောင် ငါးပါးသီလ၊ ရှစ်ပါးသီလ စသည်တို့ကို လုံခြုံစွာ ထိန်းသိမ်း စောင့်ရှောက်ခြင်း၊
- နေက္ခမ္မပါရမီ – လူဝတိကြောင်ဘဝကို စွန့်ပစ်၍ ရသေ့ရဟန်းဘဝဖြင့် သူတော်ကောင်း တရားတို့ကို ကျင့်သုံးအားထုတ်ခြင်း၊
- ပညာပါရမီ – အပြစ်ကင်းသော အသိပညာ၊ အတတ်ပညာများကို လေ့လာဆည်းပူးခြင်း သင်ကြားပို့ချပေးခြင်း၊
- ဝီရိယပါရမီ – အပြစ်ကင်းသောအလုပ်၊ အများ ချမ်းသာရေးအလုပ်တို့ကို မဆုတ်မနစ် ကြိုးစား အားထုတ်ခြင်း၊
- ခန္တီပါရမီ – အချမ်းအပူဒဏ်၊ ဆင်းရဲပင်ပန်းဒဏ်နှင့် ထိပါးနှိပ်စက်လာြခင်းကို သည်းခံခြင်း၊
- သစ္စပါရမီ – မှန်ကန် ရိုးဖြောင့်စွာ နေထိုင်ကျင့်သုံး ပြောဆိုခြင်း၊
- အဓိဌာနပါရမီ – ကောင်းမြတ်သော အလုပ်တို့ကို မည်သည့် အနှောင့်အယှက်မျိုးနှင့် တွေ့တွေ့နောက်မဆုတ်ပဲ စိတ်ထားခိုင်မာစွာ လုပ်ကိုင်ဆောင်ရွက်ခြင်း၊
- မေတ္တာပါရမီ – သတ္တဝါအားလုံးအပေါ်၌ အကျိုးလိုလားသောစိတ်ရှိခြင်း၊
- ဥပေက္ခါပါရမီ – အကောင်းအဆိုး လောကဓံအမျိုးမျိူးနှင့် တွေ့ကြုံသော်လည်း တပ်မက်ခြင်း၊ စိတ်ဆိုးခြင်း မရှိပဲ တည်ငြိမ်လေးနက်စွာ နှလုံးသွင်းခြင်း၊ ဆင်ခြင်ခြင်းတို့ဖြစ်သည်။
ပါရမီ ဆယ်ပါးရှိ တစ်ပါးစီတွင် ပါရမီ၊ ဥပပါရမီ၊ ပရမတ္ထပါရမီ ဟူ၍ သုံးမျိုးစီ ရှိသည်။ ထို့ကြောင်း စုစုပေါင်း ပါရမီ သုံးဆယ်ပါးရှိသည်။