ကုသိုလ်ကောင်းမှု ပြုလုပ်လျှင်ဖြစ်စေ၊ အကုသိုလ် မကောင်းမှုကို ပြုလုပ်လျှင်ဖြစ်စေ ဇောစိတ် (၇)ပါးလာပြီးမှ ကုသိုလ်အမှု(ဝါ) အကုသိုလ်အမှုကို ဆောင်ရွက်ပါသည်။ ဇောစိတ်(၇)ဇောသည် အောက်ပါအတိုင်း အကျိုးပေးသည်။
- ပထမဇောသည် ယခုဘဝ၌ပင် ၇ ရက်၊ ၇လ၊ ၇နှစ်အတွင်း အကျိုးပေးသည်။ “ဒိဋ္ဌဓမ္မ ဝေဒနိယကံ”ဟုခေါ်သည်။
- ဒုတိယဇောမှ ဆဋ္ဌမဇောအထိ အလယ်ဇော ၅ချက်သည် တတိယဝမှစ၍ နိဗ္ဗာန်သို့ မရောက်မချင်း သံသရာဘဝအဆက်ဆက် ဖြစ်ရာဘဝတိုင်း၌ ကြုံလျှင်ကြုံသလို အလျှင်းသင့်လျှင် အလျှင်းသင့်သလို အကျိုးပေးသွားသည်။ “အပရာ ပရိယကံ”ဟု ခေါ်သည်။
- နောက်ဆုံး သတ္တမဇောသည် ယခုဘဝပြီးနောက်ဘဝ ဒုတိယဘဝ၌ အကျိုးပေးသည်။
ယခုဘဝပြုသောကံ ပထမဇောသည် အကူအညီအဖြစ်သာ အကျိုးပေးသည်။ လွန်ခဲ့သော ရှေးရှေးဘဝများက ကံတွေကသာလျှင် တကယ်အကျိုးပေးဖြစ်သည်။