မြတ်စွာဘုရားရှင်သည် သိင်္ဂါလ လုလင်အား မေ့လျော့ကြောင်းဖြစ်သော လောင်းကစားလေ့ရှိခြင်းသည် အပြစ်ခြောက်ပါးရှိကုန်၏ဟု ဟောကြားခဲ့ပါသည်။
- မိမိနိုင်သော် ရန်များ၏။
- မိမိရှုံးသော်မူ ဥစ္စာအတွက် ပူပန်ရ၏။
- ကိုယ်တွေ့မျက်မြင် ဥစ္စာ ဆုတ်ယုတ်၏။
- တရားရုံးများ၌ အရေးကြုံ၍ သက်သေလိုက်ရပါက ထိုသူ၏ စကားကို အတည်မယူကြပါ။
- အဆွေခင်ပွန်းတို့သည် မထီမဲ့မြင် ပြုအပ်၏။
- သမီးပေး၊ သားယူ ပြုလိုကြကုန်သော သူတို့သည် အလိုမရှိအပ်။
ဆရာတော် ဦးဗုဓ်၏ အလင်္ကာ –
“အောင်သူရန်ပွား၊ ရှုံးသားစိုးရိမ်၊ စည်းစိမ်လျော့ပါး၊ တရားသဘင်၊ မဝင်သက်သေ၊ မိတ်ဆွေနှိမ့်ဆို၊ မလိုထိမ်းမြား၊ ဤခြောက်ပါးကား၊ ပျော်ပါးကြွေအန် အပြစ်တည်း။”
(ပါထိက ဝဂ္ဂပါဠိ – ၁၄၉။ )