၁။ သုဂတံ သုဂတံ သေဋ္ဌံ၊ ကုသလံ ကုသလံ ဇဟံ။
အ မတံ အ မတံ သန္တံ၊ အ သမံ အ သမံ ဒဒံ။
သရဏံ သရဏံ လောကံ၊ အ ရဏံ အ ရဏံ ကရံ။
အ ဘယံ အ ဘယံ ဌာနံ၊ နာယယံ နာယကံ နမေ။
- ကောင်းသောစကားကိုလည်း ဆိုတော်မူတတ်သော၊ ကောင်းသောနိဗ္ဗာန်သို့လည်း ကြွသွားတော်မူတတ်သော၊ အထူးသဖြင့် ချီးမွမ်းအပ်တော်မူသော၊ ကုသိုလ် အကုသိုလ်ကို စွန့်တော်မူပြီးသော၊ သေခြင်းလည်း ကင်းတော်မူသော၊ အမြိုက် အရသာနှင့်လည်း ပြည့်စုံတော်မူသော၊ ငြိမ်သက်စွာသော၊ အတုလည်းမရှိသော၊ အတုမရှိသော မဂ် ဖိုလ် နိဗ္ဗာန်ကို ပေးတော်မူတတ်သော၊ ကိုးကွယ်ရာလည်း ဖြစ်တော်မူသော၊ လောကကို သိတော်မူသော၊ ကိလေသာဟူသော မြူလည်း ကင်းစင်တော်မူပြီးသော၊ ကိလေသာမြူ၏ ကင်းခြင်းကို ပြုတော်မူတတ်သော၊ ဘေးလည်းမရှိသော၊ ဘေးမရှိသော နိဗ္ဗာန်အရပ်သို့ ပို့ဆောင်တော်မူတတ်သော၊ လူသုံးဦးတို့၏ အမှူးဖြစ်တော်မူသော၊ မြတ်စွာဘုရားကို အကျွန်ုပ်သည် ရှိခိုးပါ၏။
၂။ နယန သုဘဂ ကာယင်္ဂံ၊ မဓုရဝရ သရောပေတံ။
အမိတ ဂုဏ ဂဏာဓါရံ၊ ဒသဗလ မတုလံ ဝန္ဒေ။
- မျက်စိအားဖြင့် တင့်တယ်ခြင်းသို့ရောက်သော ကိုယ်အင်္ဂါနှင့်လည်း ပြည့်စုံတော်မူသော၊ သာယာစွာသော မြတ်သော အသံတော်နှင်းလည်း ပြည့်စုံတော်မူသော မနှိုင်းယှဥ်အပ်သော ကျေးဇူးတော်အပေါင်း၏ တည်ရာလည်း ဖြစ်တော်မူသော၊ သီလအစရှိသော ဂုဏ်တို့ကြာင့် တစ်စုံတစ်ယောက်သောသူနှင့် တူတော်မမူသော၊ ဆယ်ပါးသော အားတော်နှင့် ပြည့်စုံတော်မူသော မြတ်စွာဘုရားကို အကျွန်ုပ်သည် ရှိခိုးပါ၏။
၃။ ယော ဗုဒ္ဓေါ ဓိတိမည ဓါရကော၊ သံသာရေ အနုဘောသိ ကာယိကံ။
ဒုက္ခံ စေတသိကဉ္စ လောကတော၊ တံ ဝန္ဓေ နရဒေဝ မင်္ဂလံ။
- တည်ကြည်သော သမာဓိလည်း ရှိတော်မူသော၊ အရဟတ္တဖိုလ်ကိုလည်း ဆောင်တော်မူတတ်သော၊ အကြင် မြတ်စွာဘုရားသည် လူသုံးပါးကြောင့် သံသရာ၌ ကိုယ်တော်ကို အမှီပြု၍ ဖြစ်သော ဆင်းရဲကို၎င်း အစဥ်ခံစားတော်မူလေပြီ။ လူနတ်၏ မင်္ဂလာဖြစ်တော်မူသော ထိုမြတ်စွာဘုရားကို အကျွန်ုပ်သည် ရှိခိုးပါ၏။
၄။ ဗာတ္တိံ သတိ လက္ခဏ စိတြဒေဟံ၊ ဒေဟာဇုတိနိဂ္ဂတ ပဇ္ဇလန္တံ။
ပညာဓိတိ သီလဂုဏော ဃဝိန္ဒံ၊ ဝန္ဒေ မုနိမန္တိမ ဇာတိယုတ္တံ။
- သုံးဆယ့်နှစ်ပါးသော ယောက်ျားမြတ်တို့၏ လက္ခဏတို့ဖြင့် ဆန်းကြယ်သော ကိုယ်တော်လည်း ရှိတော်မူသော၊ ကိုယ်တော်မှ ထွက်သော အရောင်တို့ဖြင့် ပြောင်ပြောင်ထွန်း တောက်ပတော်မူသော၊ ပညာဂုဏ် သမာဓိဂုဏ် သီလဂုဏ် အပေါင်းကိုလည်း ရတော်မူပြီးသော၊ အဆုံးစွန်သော ဘဝနှင့်လည်း ယှဥ်တော်မူပြီးသော မြတ်စွာဘုရားကို အကျွန်ုပ်သည် ရှိခိုးပါ၏။
၅။ ပါတောဒယံ ဗာလဒိဝါကရံဝ၊ မဇ္ဈေ ယတီနံ လလိတံ သိရီဟိ။
ပုဏ္ဏိန္ဒု သင်္ကာသ မုခံ အနေဇံ၊ ဝန္ဒါမိ သဗ္ဗညု မဟံ မုနိန္ဒံ။
- နံနက်အခါ၌ တက်လတ်သော တက်သစ်စ နေလုလင်ကဲ့သို့ ရဟန်းတို့၏ အလယ်၌ ကျက်သရေတို့ဖြင့် တင့်တယ်တော်မူသော၊ လပြည့်ဝန်းနှင့်တူသော မျက်နှာတော်လည်း ရှိတော်မူသော၊ တဏှာလည်း ကင်းစင်တော်မူပြီးသော၊ ခပ်သိမ်းသော ဉေယျဓံတရားငါးပါးကိုလည်း သိတော်မူပြီးသော မြတ်စွာဘုရားကို အကျွန်ုပ်သည် ရှိခိုးပါ၏။
၆။ ဥပေတ ပုညော ဝရ ဗောဓိမူလေ၊ သသေန မာရံ သုဂတော ဇိနိတွာ။
အဗောဇ္ဈိ ဗောတိံ အရုဏောဒယမှိ၊ နမာမိ တံ မာရ ဇိနံ အတင်္ဂံ။
- ပြည့်စုံသော ဘုန်းတော်လည်းရှိတော်မူသော၊ အကြင် မြတ်စွာဘုရားသည် မြတ်သော ဗောဓိပင်၏ အရင်း၌ စစ်သည်ဗိုလ်ပါနှင့် တကွသော မာရ်နတ်သားကို အောင်တော်မူပြီး၍ နေအရုဏ်တက်သောအခါ၌ အရဟတ္တမာဂ်ဉာဏ် သဗ္ဗညုတဉာဏ်ကို သိတော်မူပြီ။ မာရ်ငါးပါးကို အောင်တော်မူပြီးသော၊ မာရ်စစ်သည်တို့သည် မဖျက်ဆီးနိုင်သော ထိုမြတ်စွာဘုရားကို အကျွန်ုပ်သည် ရှိခိုးပါ၏။
၇။ ရာဂါဒိ ဆေဒါမလ ဉာဏခဂ္ဂံ၊ သတီသမညာဖလကာဘိဂါဟံ။
သီလောဃလင်္ကာရဝိဘူသိတံ တံ၊ နမာမိ ဘိညာ ဝရမိဒ္ဓုပေတံ။
- ရာဂ အစရှိသော ကိလေသာတို့ကို ဖြတ်တတ်သော၊ အညစ်အကြေးကင်းသော၊ အရဟတ္တမဂ်ဉာဏ် သန်လျက်လည်း ရှိတော်မူသော၊ သမ္မာသတိ အမည်ရှိသော ဒိုင်းကာကိုလည်း မြဲစွာကိုင်စွဲတော်မူသော၊ သီလအပေါင်းတည်းဟူသော ချပ်တန်ဆာတို့ဖြင့် တန်ဆာဆင်တော်မူပြီးသော၊ အဘိညာဥ်တည်းဟူသော တန်ခိုးနှင့်လည်း ပြည့်စုံတော်မူပြီးသော ထိုမြတ်စွာဘုရားကို အကျွန်ုပ်သည် ရှိခိုးပါ၏။
၈။ ဒယာလယံ သဗ္ဗဓိ ဒုက္ကရံကရံ၊ တဝဏ္ဏဝါတိက္ကမ မဂ္ဂတံ ဂတံ။
တိလောက နာထံ သုသမာဟိတံ ဟိတံ၊ သမန္တစက္ခုံ ပဏာမမိတံ မိတံ။
- မဟာကရုဏာ၏ တည်ရာဖြစ်တော်မူသော၊ ခပ်သိမ်းသော ကိုယ်တော်၏အဖြစ်၌ ပြုနိုင်ခဲသော စွန့်ကြီးခြင်း ငါးပါးအစရှိသော အမှုကို ပြုတော်မူတတ်သော၊ ဘဝသုံးပါးတည်းဟူသော မဟာသမုဒ္ဒရာမှ လွန်မြောက်တော်မူပြီးသော၊ မြတ်သောအဖြစ်သို့ ရောက်တော်မူပြီးသော၊ လူသုံးပါးတို့၏ ကိုးကွယ်ရာ ဖြစ်တော်မူသော၊ ကောင်းစွာတည်ကြည်သော သမာဓိလည်း ရှိတော်မူသော၊ လူနတ်ဗြဟ္မာ သတ္တဝါတို့၏ အစီးအပွားကိုလည်း ဆောင်တော်မူတတ်သော၊ ထက်ဝန်းကျင် မြင်စွမ်းနိုင်သော သဗ္ဗညုတဉာဏ်လည်း ရှိတော်မူသော၊ မနှိုင်းယှဥ်အပ်သော ဂုဏ်လည်းရှိတော်မူသော ထိုမြတ်စွာဘုရားကို အကျွန်ုပ်သည် ရှိခိုးပါ၏။
၉။ တဟိံ တဟိံ ပါရမိ သဉ္စယံ စယံ၊ ဂတံ ဂတံ သဗ္ဘိသုခပ္ပဒံ ပဒံ။
နရာ နရာနံ သုခသမ္ဘဝံ ဘဝံ၊ နမာနမာနံ ဇိနပုင်္ဂဂဝံ ဂဝံ။
- ထိုထိုသို့သော ကိုယ်တော်၏ အဖြစ်၌ ပါရမီအပေါင်းကို ဆည်းပူးတော်မူတတ်သော၊ သူတော်ကောင်းတို့သည် ဆည်းကပ်အပ်သော၊ ချမ်းသာခြင်း၏ အဖို့ကို ဖြစ်စေတတ်သော၊ နိဗ္ဗာန်သို့ ရောက်တော်မူပြီးသော၊ လူနတ်တို့၏ ချမ်းသာခြင်း၏ အကြောင်းကို ဖြစ်စေတော်မူတတ်သော၊ မရိုညွတ်သော နွားနှင့်တူသော သူမိုက်ကို အောင်တော်မူတတ်သော၊ ယောကျ်ားမြတ် ဖြစ်တော်မူသော မြတ်စွာဘုရားကို အကျွန်ုပ်သည် ရှိခိုးပါ၏။
၁၀။ မဂ္ဂင်္ဂနာဝံ မုနိဒက္ခ နာဝိကော၊ ဤဟာ ဖိယံ ဉာဏကရေန ဂါဟကော။
အာရုယှ ယော တာယ ဗဟု ဘဝဏ္ဏဝါ၊ တာရေသိ တံ ဗုဒ္ဓမဃပ္ပဟံ နမေ။
- ဝီရိယတည်းဟူသော တက်မကို ဉာဏ်တော်တည်းဟူသော လက်တော်ဖြင့် ကိုင်စွဲတော်မူသော အကြင်မြတ်စွာဘုရားတည်းဟူသော လိမ္မာလှသော သင်္ဘောလှေမှူးသည် မဂ္ဂင်ရှစ်ပါးတည်းဟူသော သင်္ဘောလှေထက်သို့ တက်စီးတော်မူပြီး၍ ထိုမဂ္ဂင်ရှစ်ပါးတည်းဟူသော မဟာသမုဒ္ဒရာမှ ကယ်တင်တော်မူလေပြီ။ သတ္တဝါတို့၏ ဆင်းရဲခြင်းကို ပယ်တော်မူတတ်သော၊ သစ္စာလေးပါးကို သိတော်မူသော ထိုမြတ်စွာဘုရားတည်းဟူသောသင်္ဘောလှေမှူးကို အကျွန်ုပ်သည် ရှိခိုးပါ၏။
၁၁။ သမတိံ သတိ ပါရမိ သမ္ဘရဏံ၊ ဝရဗောဓိဒုမေ စတုသစ္စ ဒသံ။
ဝရမိဒ္ဓိ ဂတံ နရဒေဝ ဟိတံ၊ တိဘဝူပသမံ ပဏမာမိ ဇိနံ။
- အမျှသုံးဆယ်သော ပါရမီကို ဖြည့်တော်မူပြီးသော၊ မြတ်သော ဗောဓိပင်၏ အနီး၌ သစ္စာလေးပါးကို သိမြင်တော်မူပြီးသော၊ မြတ်သော တန်ခိုးသို့လည်း ရောက်တော်မူပြီးသော၊ လူနတ်တို့၏ အစီးအပွားကိုလည်း ဆောင်တော်မူတော်၊ ဘဝသုံးပါးမှလည်း ငြိမ်းတော်မူပြီးသော မြတ်စွာဘုရားကို အကျွန်ုပ်သည် ရှိခိုးပါ၏။
၁၂။ သတ ပုညေဇလက္ခဏိကံ ဝိရဇံ၊ ဂ ဂနူပမဓိံ ဓိတိ မေရု သမံ။
ဇလဇူဝမ သီတလ သီလယုတံ၊ ပထဝီ သဟနံ ပဏမာမိ ဇိနံ။
- များစွာသော ဘုန်းတော်ကြောင့်ဖြစ်သော လက္ခဏာတော်လည်း ရှိတော်မူသော၊ ရာဂဟူသောမြူလည်း ကင်းစင်တော်မူပြီးသော၊ ကောင်းကင်နှင့်တူသော ပညာတော်လည်း ရှိတော်မူသော၊ မြင့်မိုရ်တောင်မင်းနှင့်တူသော မတုန်မလှုပ်သော သမာဓိလည်း ရှိတော်မူသော၊ ကြာနှင့်တူသော ချမ်းမြေ့စွာသော သီတင်းနှင့်လည်းယှဥ်သော မြေကြီးနှင့်တူသော သည်းခံသော နှလုံးတော်လည်း ရှိတော်မူသော မြတ်စွာဘုရားကို အကျွန်ုပ်သည် ရှိခိုးပါ၏။
၁၃။ ယော ဗုဒ္ဓါ သုမတိ ဒိဝေဒိဝါကရောဝ၊ သောဘန္တောရတိဇနနေ သိလာသနမှိ။
အာသိန္နော သိဝ သုခဒံ အဒေသိ ဓမ္မံ၊ ဒေဝါနံ တမသဒီသံ နမာမိ နိစ္စံ။
- ကောင်းသော ပညာတော်လည်း ရှိတော်မူသော အကြင်မြတ်စွာဘုရားသည် နေ့၌ နေမင်းကဲ့သို့ တင့်တယ်တော်မူသည်ဖြစ်၍ မွေ့လျော်ခြင်းကို ဖြစ်စေတတ်သော ပဏ္ဍုကမ္ဗလာ ကျောက်နေရာ၌ နေတော်မူလျက် နိဗ္ဗာန်ချမ်းသာကို ပေးတော်မူတတ်သော အဘိဓမ္မတရားတော်ကို တာဝတိံသာနတ်တို့အား ဝါတွင်းသုံးလပတ်လုံး ဟောတော်မူလေပြီ။ တုဘက်လည်း ကင်းတော်မူသော ထိုမြတ်စွာဘုရားကို အကျွန်ုပ်သည် အမြဲရှိခိုးပါ၏။
၁၄။ ယောပါဒပင်္ကဇ မုဒုတ္တလ ရာဇိကေဟိ၊ လောကေဟိ တီဟိ ကဝိလေဟိ နိရာ ကုလေဟိ။
သမ္ပါပုကေ နိရုပမေယျ တမေဝ နာထော၊ တံ သဗ္ဗလောက မဟိတံ အသမံ နမာမိ။
- အကြင်မြတ်စွာဘုရားသည် မချို့တဲ့ကုန်သော၊ နှောက်ယှက်ခြင်း ကင်းကုန်သော၊ ခြေတော်တည်းဟူသော ကြာ၏ နူးညံ့သော အပြင်၌ တစ်ရာ့ရှစ်ကွက် စက်လက္ခဏာတော်တည်းဟူသော အရေးတို့ဖြင့် သုံးဘုံသူတို့နှင့် မနှိုင်းယှဥ်အပ်သည်၏ အဖြစ်သို့ ကောင်းစွာ ရောက်တော်မူသည်သာလျှင်တည်း။ ခပ်သိမ်းသော လောကသည် ပူဇော်အပ်သော အတုမရှိသော ထိုမြတ်စွာဘုရားကို အကျွန်ုပ်သည် ရှိခိုးပါ၏။
၁၅။ ဗုဒ္ဓံ နရာနရ သမောသရဏံ ဓိတတ္တံ၊ ပညာ ပဒီပ ဇုတိယာ ဝိဟတန္ဓကာရံ။
အတ္တာဘိကာမ နရဒေဝ ဟိတာဝဟန္တံ၊ ဝန္ဒါမိ ကာရုဏိကမဂ္ဂ မနန္တ ဉာဏံ။
- လူ နတ်တို့၏ စုဝေးရာ ဖြစ်တော်မူသော၊ တည်ကြည်သော စိတ်တော်လည်း ရှိတော်မူသော၊ အဝိဇ္ဇာတည်းဟူသော အမှောင်ကို ပညာတည်းဟူသော ဆီမီးရောသ်ဖြင်း ဖျောက်အပ်ပြီးသော၊ လူနတ်တို့၏ အကျိုးစီးပွားကို အလွန်အလိုရှိတော်မူသော၊ လူ နတ်တို့၏ အကျိုးစီးပွားကိုလည်း ရွက်ဆောင်တော်မူသော၊ ကြီးမြတ်သော မဟာကရုဏာတော်နှင့် ယှဥ်သော၊ မြတ်လှသော၊ အဆုံးမရှိသော ဉာဏ်တော်လည်း ရှိတော်မူသော ထိုမြတ်စွာဘုရားကို အကျွန်ုပ်သည် ရှိခိုးပါ၏။
၁၆။ အခိလ ဂုဏနိဓါနော ယောမုနိန္ဒေါ ပပန္တာ၊ ဝနမိသိပတနဝှံ သညတာနံ နိကေတံ။
တဟိ မကုသလ ဆေဒံ ဓမ္မစက္ကံ ပဝတ္တော၊ တမတုလမဘိကန္တံ ဝန္ဒနေယျံ နမာမိ။
- ခပ်သိမ်းသော လောကီ လောကုတ္တရာတို့၏ သိုမှီးရာလည်း ဖြစ်တော်မူသော အကြင်မြတ်စွာဘုရားသည် ကိုယ်နှုတ်နှလုံး စောင့်ကုန်သော အရှင်မြတ်တို့၏ ကိန်းအောင်း မွေ့လျော်ရာ အစစ်ဖြစ်သော ဣတိပသန အမည်ရှိသော မိဂဒါဝုန်တောသို့ ကြွတော်မူ၍ ထိုမိဂဒါဝုန်တော၌ အကုသိုလ်ကို ဖြတ်တတ်သော ဓမ္မစကြာတရားတော်ကို ဟောတော်မူလေပြီ။ အတုမရှိသော အလွန်နှစ်လိုဖွယ်သောဂုဏ်လည်း ရှိတော်မူသော၊ ရှိခိုးခြင်း ခံတော်မူထိုက်သော ထိုမြတ်စွာဘုရားကို အကျွန်ုပ်သည် ရှိခိုးပါ၏။
၁၇။ သုစိပရိဝါရိတံ သုရုစိရပ္ပဘာဟိ ရတ္တံ၊ သိရိဝိသယာလယံ ဂုပိတမိန္ဒြိယေဟုပေတံ။
ရဝိသတိ မဏ္ဍလမ္ပဘုတိ လက္ခဏောပစိတ္တံ၊ သုရနရ ပူဇိတံ သုဂတမာဒရံ နမာမိ။
- သန့်ရှင်းစင်ကြယ်သော အခြံအရံလည်း ရှိတော်မူသော၊ ပြိုးပြိုးပြက်ပြက် နှစ်သက်ဖွယ်သော အရောင်တို့ဖြင့် ဆိုအပ်သော ကိုယ်တော်လည်းရှိသော၊ ဘုန်းပညာ ကျက်သရေ အပေါင်းတို့၏ တည်ရာလည်း ဖြစ်တော်မူသော၊ စောင့်ရှောက်အပ်သော စက္ခု အစရှိသော ဣန္ဒြေတို့နှင့် ပြည့်စုံတော်မူသော၊ နေဝန်း လဝန်း အစရှိသော စက်လက္ခဏာတော်တို့ဖြင့် များစွာဆန်းကြယ်ခြင်း ရှိတော်မူသော၊ နတ်လူတို့သည် ပူဇော်အပ်တော်မူသော မြတ်စွာဘုရားကို အကျွန်ုပ်သည် ရှိခိုးပါ၏။
၁၈။ မဂ္ဂေါ ဠုမ္ပေန မုဟပဋိဃာသာဒိ ကုဘလ္လာလဝီစိံ၊ သံသာရောဃံ တရိတ မဘယံ ပါရပတ္တံ ပဇာနံ။
တာဏံ လေဏံ အသမသရဏံ ဧကတိတ္ထံ ပတိဋ္ဌံ၊ ပုညေက္ခေတ္တံ ပရမသုခဒံဓမ္မရာဇံ နမာမိ။
- အကြင်တရားမင်း မြတ်စွာဘုရားသည် မောဟ ဒေါသ လောဘ အစရှိသော၊ ကြီးမားသော လှိုင်းတံပိုးတို့ရှိသော၊ သံသရာတည်းဟူသော ပင်လယ်ရေအယာဥ်ကို မဂ္ဂင်ရှစ်ပါးတည်းဟူသော သင်္ဘောဖောင်ဖြင့် ကူးတော်မူလေပြီ။ ဘေးလည်းမရှိသော နိဗ္ဗာန်တည်းဟူသော ကမ်းတစ်ဖက်သို့ ရောက်တော်မူပြီးသော၊ သတ္တဝါတို့၏ ကိုးကွယ်ရာလည်း ဖြစ်တော်မူသော၊ ပုန်းအောင်းရာလည်း ဖြစ်တော်မူသော၊ အတုမရှိ လဲလျောင်းရာလည်း ဖြစ်တော်မူသော၊ နိဗ္ဗာန်ပြည်သို့ ကူတို့ကူးခတ် မြတ်သော ရေဆိပ်သဖွယ် ဖြစ်တော်မူသော၊ မှီခိုရာကျွန်းနှင့်လည်း တူတော်မူသော၊ ကောင်းမှုတည်းဟူသော မျိုးစေ့၏ စိုက်ပျိုးရာ လယ်မြေကောင်းသဖွယ် ဖြစ်တော်မူသော၊ မြတ်သောနိဗ္ဗာန် ချမ်းသာ ကိုလည်း ပေးတော်မူတတ်သော ထိုမြတ်စွာဘုရားကို အကျွန်ုပ်သည် ရှိခိုးပါ၏။
၁၉။ ကဏ္ဍမ္ဗံမူလေ ပရိဟိတ ကရော၊ ယောမုနိန္ဒေါ နိသိန္နော၊
အစ္ဆေဂရံ သီဃံ နယန သုဘဂံ အာကုလဏ္ဏဂ္ဂိဇာလံ။
ဒုဇ္ဇာလဒ္ဓံ မုနိဘိ ဇဟိတံ ပါဋိဟေရံ အကာသိ
ဝန္ဒေ တံ သေဋ္ဌံ ပရမရတိဇံ ဣဒ္ဓိဓမ္မေဟု ပေတံ။
- သူတစ်ပါး၏ အစီးအပွားကိုလည်း ရွက်ဆောင်တော်မူသော အကြင်မြတ်စွာဘုရားသည် ကဏ္ဍ အမည်ရှိသော ဥယျာဥ်စောင့်သည် စိုက်အပ်သော သရက်ဖြူပင်၏ အနီး၌ နေတော်မူလျက် လူ နတ်တို့၏ မျက်စိအား တင့်တယ်စွာသော၊ ရောယှက်သော ရေအယာဥ် မီးအလျှံရှိသော၊ မိစ္ဆာတည်းဟူသော ကွန်ရက်ကို ဖျက်ဆီးတတ်သော အလေ့ရှိသော ဘုရားရှင်တို့သည် ရေမီးအစုံ အစရှိသော တန်ခိုးပြဋိဟာကို လျင်မြန်စွာ ပြုတော်မူလေပြီ။ အထူးသဖြင့် ချီးမွမ်းအပ်စွာသော၊ မြတ်သောနှစ်လိုခြင်းကို ဖြစ်စေတတ်သော တန်ခိုးကျေးဇူးတို့နှင့် ပြည့်စုံတော် မူပြီးသော ထိုမြတ်စွာဘုရားကို အကျွန်ုပ်သည် ရှိခိုးပ၏။
၂၀။ မုနိန္ဒက္ကော ယေ ကောဒယုဒယ၊ ရုဏော ဉာဏ ဝိတ္ထိဏ္ဏဗိမ္ဗော၊
ဝိနေယျပ္ပါဏောဃံ ကမလကထိတံ၊ ဓမ္မရံသီ ဝရေဟိ။
သုဗောဓေသိသုဒ္ဓေ တိဘဝ ကုဟရေ၊ ဗျာပိတကိတ္တိနဉ္စ၊
တိလောကေ ကစ္စက္ခုံ ဒုခမ၊ သဟနံ တံ မဟေသိံ နမာမိ။
- မဟာကရုဏာ သမာပတ်တည်းဟူသော တက်လတ်သော နေအရုဏ်လည်းရှိသော၊ ဉာဏ်တော်တည်းဟူသော ကျယ်သော အဝန်းလည်းရှိတော်မူသော၊ တုဘက်ကင်းမြောက် တစ်ယောက်တည်းသာ ဖြစ်တော်မူသော အကြင်မြတ်စွာဘုရားတည်းဟူသော နေမင်းသည် ကြာဟူ၍ ဆိုအပ်သော ဝေနေယျ သတ္တဝါအပေါင်းကို မြတ်သောတရားတည်းဟူသော ရောင်ခြည်တို့ဖြင့် သစ္စာလေးပါးကို သိစေသောအားဖြင့် ပွင့်ခြင်းသို့ ရောက်တော်မူစေပြီ။ စင်ကြယ်စွာသော လောကသုံးပါးအတွင်း၌ အဆုံးမရှိနှံ့သော ကျော်စောခြင်း ရှိတော်မူသော၊ ဘုံသုံးပါးတို့၏ အထွတ်အမြတ်ဖြစ်သော မျက်စိဖြစ်တော်မူသော၊ သူတစ်ပါးတို့သည် သည်းခံနိုင်ခဲသော အမှုကို သည်းခံခြင်းရှိတော်မူသော၊ သီလက္ခန္ဓစသည့် ကျေးဇူးဂုဏ်အထူးကို ဆည်းပူးရှာမှီးတော်မူပြီးသော ထိုမြတ်စွာဘုရားတည်းဟူသော နေမင်းကို အကျွန်ုပ်သည် ရှိခိုးပါ၏။
၂၁။ ယော ဇိနာ အနေက ဇာတိယံ၊ သပုတ္တဒါရ မင်္ဂဇီဝိတမ္ပိ။
ဗောဓိပေမတော အလဂ္ဂမာနသော၊ အဒါသိ ယေဝ အတ္ထိကဿ။
ဒါနပါရမိံ တတောပရံ အပူရိ သီလ ပရမာ ဒိကမ္ပိ၊
တာသ မိဒ္ဒိယော ပယာတ မဂ္ဂတံ၊ တ မေက ဒီပကံ နမာမိ။
- အကြင်မြတ်စွာဘုရားသည် သဗ္ဗညုတဉာဏ်ကို ချစ်တော်မူခြင်းကြောင့် ငြိတွယ်ခြင်း ကင်းသည့်စိတ် ရှိသည်ဖြစ်၍ များစွာသော ကိုယ်တော်၏ အဖြစ်၌ သားမယားနှင့်တကွ အင်္ဂါကြီးငယ် အသက်ကိုပင် အလိုရှိသောသူအား ပေးလှူတော်မူသည်သာလျင်တည်း။ ဒါနပါရမီကို၎င်း၊ ထိုဒါနပါရမီမှ တစ်ပါးသော သီလပါရမီအစရှိသော ကိုးပါးသော ပါရမီကို၎င်း ဖြည့်တော်မူလေပြီ။ ထိုဆယ်ပါးသော ပါရမီတော်တို့၏ ပြည့်စုံခြင်းကြောင့် မြတ်သောအဖြစ်ကို ရောက်တော်မူပြီးသော၊ လူနတ်တို့၏ ကိုးကွယ်မှီခိုရာ မြတ်သောကိုင်းကျွန်း သဖွယ်လည်း ဖြစ်တော်မူသော ထိုမြတ်စွာဘုရားကို အကျွန်ုပ်သည် ရှိခိုးပါ၏။
၂၂။ ဒေဝါ ဒေဝါတိဒေဝံ နိဓနဝပု ဓရံ မာရဘင်္ဂံ အဘင်္ဂံ၊
ဒီပံဒီပံ ပဇာနံ ဇယဝရ သယနေ ဗောဓိပတ္တံဓိပတ္တံ။
ဗြဟ္မာဗြဟ္မာ ဂတာနံ ဝရဂိရ ကထိတံ ပါပဟီနံ ပဟီနံ၊
လောကာ လောကာ ဘိရာမံ၊ သတတ မဘိနမေ တံ မုနိန္ဒံ မုနိန္ဒံ။
- သမ္မုတိနတ် ဥပပတ္တိနတ် တို့ထက်လွန်မြတ်သော ဝိသုဒ္ဓိနတ်ဖြစ်တော်မူသော အဆုံးစွန်သော ကိုယ်တော်ကိုလည်းဆောင်တော်မူသော၊ မာရ်ငါးပါးကို ဖျက်ဆီးတော်မူပြီးသော၊ မာရ်စစ်သည်တို့သည် ဖျက်ဆီးခြင်းငှာ မတတ်နိုင်သော၊ သတ္တဝါတို့၏ ပညာတည်းဟူသော ဆီမီးတန်ဆောင်းကို ပြောင်ပြောင်တောက်အောင် ထွန်းညှိတော်မူပြီးသော၊ မာရ်ငါးပါးကို အောင်မြင်တော်မူ၍ မြတ်သောဗောဓိပင်နေရာ၌ သဗ္ဗညုတဉာဏ်သို့ ရောက်တော်မူပြီးသော၊ အရဟတ္တဖိုလ်သို့ ပို့တော်မူပြသော၊ ဆည်းကပ်ရောက်လာကုန်သော ဗြဟ္မာလူနတ် ပရိသတ်တို့အား မြတ်သောတရားစကားကို ဟောတော်မူသော၊ ညစ်ညမ်းယုတ်မာ ကိလေသာကို ဖယ်ခွာတော်မူပြီးသော၊ လူနတ်ဗြဟ္မာ သတ္တဝါတို့၏ မွေ့လျော်ရာဖြစ်သော ၊ ရဟန်းတကာတို့ကို အစိုးရတော်မူသော ထိုမြတ်စွာဘုရားကို အကျွန်ုပ်သည် ရှိခိုးပါ၏။
၂၃။ ဗုဒ္ဓေါ နိဂြောဓ ဗိမ္ဗော မုဒုကရစရဏော၊ ဗြဟ္မ ဃောသေဏိ ဇင်္ဃော၊
ကောသစ္ဆာဒင်္ဂဇာတော ပုနရပိ၊ သုဂတော သုပ္ပတိဋ္ဌိတ ပါဒေါ။
မုဒေါ ဒါတုဏ္ဏလောမော အထမပိ၊ သုဂတော ဗြဟ္မုဇုဂ္ဂတ္တဘာဝေါ၊
နီလက္ခီ ဒီဃပဏှီ သုခုမ မလ၊ ဆဝီ ထောမျ ရသဂ္ဂသဂ္ဂီ။
- မြတ်စွာဘုရားသည် အရပ်နှင့် အလံမျှသဖြင့် ပညောင်ပင်၏ အဝန်းကဲ့သို့ ဝန်းသော ကိုယ်တော်လည်း ရှိတော်မူ၏။ အကြိမ်တစ်ရာ ဖတ်အပ်သော ဝါဂွမ်းလွှာကဲ့သို့ နူးညံ့သော လက်ဖဝါးတော် ခြေဖဝါးတော်လည်း ရှိတော်မူ၏။ ဗြဟ္မာမင်း၏အသံထက် ကဲလွန်သာယာသော အင်္ဂါရှစ်ပါးနှင့် ပြည့်စုံသော အသံတော်လည်း ရှိတော်မူ၏။ ဧဏီ မည်သော သား၏ မြင်းခေါင်းကဲ့သို့ ပြည့်ဖြိုးသော မြင်းခေါင်းတော်လည်း ရှိတော်မူ၏။ ရွှေပဒုမ္မာ ကြာချပ်နှင့်တူသော အအိမ်ဖြင့် ဖုံးလွှမ်းအပ်သည်ဖြစ်၍ ကျစ်လစ်လှပစွာ ယောကျ်ားမြတ်၏ နိမိတ်တော်လည်း ရှိတော်မူ၏။ တဖန်လည်း မြတ်စွာဘုရားသည် ရွှေခြေနင်းအပြင်ကဲ့သို့ ညီညာစွာတည်သော ခြေဖဝါးတော်လည်း ရှိတော်မူ၏။ မျက်မှောင်နှစ်ခုတို့၏ အလယ်၌ နူးညံ့ ဖြူစင်သော ဥဏ္ဏလုံမွေးရှင်တော်လည်း ရှိတော်မူ၏။ ထိုမှတစ်ပါးလည်း ကောင်းသော နိဗ္ဗာန်သို့ ကြွသွားတော်မူတတ်သော မြတ်စွာဘုရားသည် ဗြဟ္မာမင်း၏ ကိုယ်ကဲ့သို့ ဖြောင့်မတ်သော ကိုယ်တော်လည်းရှိတော်မူ၏။ ရှည်သော ဖနောင့်တော်လည်း ရှိတော်မူ၏။ သိမ်မွေ့လှစွာသော အညစ်အကြေးမတင် သန့်ရှင်း စင်ကြယ်သော အရေတော်လည်း ရှိတော်မူ၏။ ချီးမွမ်းအပ်သော နှမ်းစေ့ပမာဏ အာဟာရပင် ဖြစ်သော်လည်း လျှာဖျားဝယ် တင်ထားခါမျှနှင့် အရသာကို ဆောင်ယူစွမ်းနိုင်သော ခုနှစ်ထောင်သော အကြောတော်တို့၏ ပေါင်းစုဖွဲ့ရုံးသော အဖျားလည်း ရှိတော်မူ၏။
၂၄။ စတ္တာလီသဂ္ဂ ဒန္ဒေါ သမက၊ လပနဇော အန္တရံသပ္ပပီဏော၊
စက္ကေနင်္ကီ တပေါဒေါ အဝိရဠ၊ ဒသနော မာရဇုဿင်္ခပါဒေါ။
တိဋ္ဌန္တော နောနမန္တာဘယ၊ ကရမုဒုနာ ဇဏ္ဏုကာနာ မသန္တော၊
ဝဋ္ဋက္ကဏ္ဌော ဇိနော ဂေါတရုဏ၊ ပခုမကော သီဟ ပုဗ္ဗဍ္ဎ ကာယော။
- ထိုမြတ်စွာဘုရားသည် လေးဆယ်စေ့ထ မွန်မြတ်လှသော သွားလည်းရှိတော်မူ၏။ လွှနှင့်ဖြတ်သကဲ့သို့ ညီညွတ်စွာသော သွားတော်လည်း ရှိတော်မူ၏။ ရေစီးကြောင်းမထင် ပြည့်ဖြိုးစင်ကြယ်သော ကျောက်ကုန်းတော်လည်း ရှိတော်မူ၏။ တစ်ရာ့ရှစ်ကွက် စက်လက္ခဏာဖြင့် မှတ်အပ်သော မြတ်သော ခြေဖဝါးတော်လည်း ရှိတော်မူ၏။ မကျဲသော သွားလည်းရှိတော်မူ၏။ မာရ်ငါးပါးကို အောင်တော်မူပြီးသော မြတ်စွာဘုရားသည် ခြေတော်အထက်၌ တည်သော ခရုသင်းကဲ့သို့ ဖမျက်တော်လည်း ရှိတော်မူ၏။ ရပ်တော်မူလျက် မကိုင်းညွတ်ပဲ သိမ်မွေ့နူးညံ့စွာသော လက်တော်နှစ်ဖက်ဖြင့် ပုဆစ်ဒူးတော် နှစ်ဖက်တို့ကို သုံးသပ်တော်မူနိုင်၏။ ရွှေမုရိုးစည်ငယ် သဏ္ဌာန်ကဲ့သို့ လုံးသော လည်တော်လည်း ရှိတော်မူ၏။ ထိုခဏ၌ ဖွာသော နွားငယ်၏ မျက်မွှေးနှင့်အတူ သိမ်မွေ့နုပျို ညိုသော မျက်မွှေးတော်လည်း ရှိတော်မူ၏။ ခြင်္သေ့မင်း၏ ရှေ့ထက်ဝက်သော ကိုယ်နှင့်အတူ ပြည့်ဖြိုးစွာသော ကိုယ်တော်လည်း ရှိတော်မူ၏။
၂၅။ သတ္တပ္ပိဏောစ ဒီဃင်္ဂုလိမထ သုဂတော၊ လောမ ကူပေက လောမော၊
သမ္ပန္နော ဒါတ ဒါဌော ကနက သမ၊ သမတစော နီလမုဒ္ဓဂ္ဂ လောမော။
သမ္ဗုဒ္ဓေါ ထူလ ဇိဝှော အထ သီဟ၊ ဟနုကော ဇာလိကပ္ပါဒဟတ္ထော၊
နာထော ဥဏှီသ သီသော ဣတိ၊ ဂုဏ သဟိတံ တံ မဟေသိံ နမာမိ။
- ကောင်းသောစကားဆိုတော်မူတတ်သော မြတ်စွာဘုရားသည် ခုနှစ်ပါးသော အရပ်တို့၌ ပြည့်ဖြိုးသော အသားတော်လည်း ရှိတော်မူ၏။ ရှည်သော လက်ချောင်းခြေချောင်းတော်လည်း ရှိတော်မူ၏။ ထိုမှတပါး တစ်ခုတစ်ခုသော မွေးတွင်းတော်၌ တစ်ချောင်းတစ်ချောင်းစီသာ ရောက်သော မွေးညှင်းတော်လည်း ရှိတော်မူ၏။ ပြည့်ဖြိုးဖြူစင်စွာသော စွယ်တော်လည်း ရှိတော်မူ၏။ ဇမ္ဗူရာဇ်ရွှေစင်ကဲ့သို့ အရေတော်လည်း ရှိတော်မူ၏။ မျက်နှာတော်ကို မျှော်ဘိသကဲ့သို့ အထက်သို့တက်သော လကျ်ာရစ်လည်၍ တည်သော အလွန်ညိုသော မွေးညင်းတော်လည်း ရှိတော်မူ၏။ မြတ်စွာဘုရားသည် ကြီးပြန့်သော လျှာတော်လည်း ရှိတော်မူ၏။ ထိုမှတပါး ခြင်္သေ့မင်း၏မေးနှင့်တူသော ပြည့်ဖြိုးစွာသောမေးတော်လည်း ရှိတော်မူ၏။ လေသွန်တံခါး၌ လက်သမား တပ်စီထားအပ်သော ရွှေပွတ်တိုင်ကဲ့သို့ တင့်တယ်စွာရှည်သော ခြေချောင်းလက်ချောင်းတော်လည်း ရှိတော်မူ၏။ မြတ်စွာဘုရားသည် နဖူးသင်းကျစ်ခြယ်လှယ်သဖြင့် တင့်တယ်သော ဦးခေါင်းတော်လည်း ရှိတော်မူ၏။ ဤဆိုအပ်ပြီးသော ကျေးဇူးအပေါင်းတို့နှင့် ပြည်ုစုံတော်မူသော ထိုမြတ်စွာဘုရားကို အကျွန်ပ်သည် ရှိခိုးပါ၏။
၂၆။ ဗုဒ္ဓေါ ဗုဒ္ဓေါတိဃောသော အတိဒုလ္လဘ၊ တရော ကာကထာ ဗုဒ္ဓဘာဝေါ၊
လောကေ တသ္မာ ဝိဘာစီ ဝိဝိဓ၊ ဟိတသုခံ သာဓဝေါ ပတ္တယန္တာ။
ဣဋ္ဌံ အတ္တံ ဝဟန္တံ သုရ နရ၊ မဟိတံ နိဗ္ဘယံ ဒက္ခိဏေယျ၊
လောကာနံ နန္ဒိ ဝဍ္ဎနံ ဒသ ဗလ၊ မသမံ တံ နမဿန္တု နစ္စံ။
- လောက၌ အကြင်ကြောင့် ဘုရား ဘုရား ဟူသော အသံကိုမျှလည်း အလွန်ကြားရခဲ၏။ ဘုရား၏ အဖြစ်သည်ကား အဘယ်ဆိုဖွယ်ရာ ရှိအံ့နည်း။ ထို့ကြောင့် ပညာရှိကုန်သော အထူးထူး အပြားပြားသော စီးပွားချမ်းသာကို တောင့်တကုန်သော သူတော်ကောင်းတို့သည် အလိုရှိအပ်သော အကျိုးစီးပွားကို ရွက်ဆောင်တော် မူတတ်သော၊ နတ်လူတို့သည် ပူဇော်အပ်တော်မူသော၊ ဘေးလည်းမရှိသော၊ မြတ်သောအလှူကို ခံတော်မူထိုက်သော၊ လူသုံးပါးတို့၏ နှစ်လိုခြင်းကို ပွားတေတ်သော၊ ဆယ်ပါးသောအားနှင့် ပြည့်စုံတော်မူသော၊ တုဘက်လည်းကင်းသော ထိုမြတ်စွာဘုရားကို အမြဲရှိခိုးစေကုန်သတည်း။
၂၇။ ပုညေနေတေန သောဟံ နိပုဏ၊ မတိ သတော သမ္ပရာယေစ တိတ္တော၊
ဒက္ခေါ ဒိဋ္ဌုဇ္ဇု ပညော အ ဝိကလ၊ ဝီရိယော ဘောဂဝါ သံဝိဘာဂီ၊
တိက္ခေါ သူရော ဓိတတ္တော သ ပရ၊ ဟိတ စရော ဒီဃ ဇီဝိ အ ရောဂေါ၊
ဓညာ ဝဏ္ဏော ယသဿီ အတိဗလဝ၊ ဓရော ကိတ္တိမာ ခန္တုပေတော။
- ဤသို့ မြတ်စွာဘုရားအား ရှိခိုးရခြင်းတည်းဟူသော ကောင်းမှုစေတနာကြောင့် ထိုငါသည် တမလွန်ဘဝ၌ သိမ်မွေ့သော ပညာရှိသည်၎င်း၊ သတိနှင့်ပြည့်စုံသည်၎င်း၊ ရောင့်ရဲသည်၎င်း၊ လိမ္မာသည်၎င်း၊ ဖြောင့်မတ်သော အယူပညာရှိသည်၎င်း၊ မချို့တဲ့သော လုံ့လရှိသည်၎င်း၊ စည်းစိမ် ဥစ္စာရှိသည်၎င်း၊ ခွဲခြမ်း ဝေဖန်တတ်သည်၎င်း၊ ထက်မြက်သာ်၎င်း၊ ရဲရင့်သည်၎င်း၊ တည်ကြည်သော စိတ်ရှိသည်၎င်း၊ မိမိ၏ အကျိုးစီးပွား သူတစ်ပါး၏ အကျိုးစီးပွားတို့ကို ကျင့်ဆောင်တတ်သည်၎င်း၊ ရှည်သောအသက် ရှိသည်၎င်း၊ အနာမရှိသည်၎င်း၊ ဘုန်းရှိသာ်၎င်း၊ အဆင်းလှသည်၎င်း၊ များသော အခြံအရံ ရှိသည်၎င်း၊ လွန်သော အားကို ဆောင်နိုင်သည်၎င်း၊ ကျေးဇူးသတင်း ကျော်ဇောခြင်းရှိသည်၎င်း၊ သည်းခံခြင်းနှင့် ပြည့်စုံသည်၎င်း ဖြစ်ရပါလို၏။
၂၈။ သဒ္ဓေါ ဒါတင်္ဂုပေထော ပရမ၊ သိရီ ဒယော ဒိဋ္ဌဓမ္မေ ဝိရတ္တော၊
လဇ္ဇီ ကလျာဏ မိတ္တော အဘိရတ၊ ကုသလော ပဉ္စသီလာဘိ ရက္ခေါ၊
အပ္ပိစ္ဆော အပ္ပ ကောဓေါ အတိဝုဇု၊ ဟဒယော ဣဒ္ဓိမာ အပ္ပမေယျော၊
ပါသံသော ပေမ ဝါစော သုဇန ဂုဏ ဝိဒူ၊ မာမကော သော ဘဝေယျံ။
- ထျုငါသည် မျက်မှောက်သောကိုယ်၏ အဖြစ်၌ သဒ္ဓါတရား ရှိသည်၎င်း၊ ပေးအပ်သော ဝတ္ထုပစ္စည်းနှင့် ပြည့်စုံသည်၎င်း၊ မြတ်သော ဘုန်းကျက်သရေ ရှိသည်၎င်း၊ သူတစ်ပါးက်ု သနားခြင်းရှိသည်၎င်း၊ တပ်မက်ခြင်း ကင်းသည်၎င်း၊ မကောင်းမှုမှ ရှက်တတ်သည်၎င်း၊ ကောင်းသော အဆွေခင်ပွန်း ရှိသည်၎င်း၊ ကုသိုလ် ကောင်းမှုတို့၌ အလွန်မွေ့လျော်တတ်သည်၎င်း၊ ငါးပါးသော သီလကို အလွန် စောင့်ရှောက်နိုင်သည်၎င်း၊ နည်းသော အလိုရှိသည်၎င်း၊ နည်းသော အမျက်ရှိသည်၎င်း၊ အလွန် ဖြောင့်မတ်သော နှလုံးရှိသည်၎င်း၊ တန်ခိုးနှင့် ပြည့်စုံသည်၎င်း၊ မနှိုင်းယှဥ်အပ်သော ဂုဏ်ရှိသည်၎င်း၊ ချီးမွမ်းထိုက်သည်၎င်း၊ ချစ်ဖွယ်သော စကားကို ဆိုတတ်သည်၎င်း၊ သူတော်ကောင်းတို့၏ ဂုဏ်ကျေးဇူးကို သိတတ်သည်၎င်း၊ သူတော်ကောင်းတို့ကို မြတ်နိုးတတ်သည်၎င်း ဖြစ်ရပါလို၏။
၂၉။ ဣတ္ထ အ-သင်္ခယေ နာထ၊ ဂုဏေ လက္ခဏဒီပိတေ။
ဂါထာသု သူစကာသွေက၊ ဂါထမ္ပီ သရတေ ဗုဓေါ။
- ဤဆိုခဲ့ပြီးသော အပြားအားဖြင့် ဤမျှဤ၍ရှိ၏ဟု မရေမတွက်နိုင်ကုန်သော၊ အစိတ်ဖြစ်သော ဥပလက္ခဏ နည်းအားဖြင့် ပြအပ်ကုန်သော မြတ်စွာဘုရား၏ ကျေးဇူးတော်ကို ပြတတ်ကုန်သော ဂါထာတို့တွင် တစ်ဂါထာကိုမျှသော်လည်း ပညာရှိသော အကြင်အမျိုးကောင်းသားသည် အောက်မေ့ရာ၏။
၃၀။ စတုရာပါယ မုတ္တော သော၊ သာဓကတ္ထဒွယဿစ။
ဟတ္တောပဒ္ဒဝ ဇာလော စ၊ လာဘီဟိတ သုခဿ စ။
၃၁။ အဓိပေါ နရဒေဝါနံ၊ စတု ဒိပိဿရောပိဝါ။
ဘဝေယျ အန္တိမေ ဒေဟေ၊ ဓါရညံ သေတ ဆတ္တကံ။
၃၂။ ဘာဝနာ ယာနမာရုယှ၊ သမမေဿတိ သုဗ္ဗတော။
ဣမသ္မိံ အတ္တဘာဝေပိ၊ အ ရောဂေါ ဒီဃဇီဝိကော။
- ထိုအမျိုးကောင်းသားသည် အပါယ်လေးပါးမှ လွတ်သည် ၎င်း၊ ပစ္စုပ္ပန်သံသရာ အကျိုးစီးပွား နှစ်ပါးကို ပြီးစေခြင်းငှာ တတ်စွမ်းနိုင်သည်၎င်း၊ ဖျောက်အပ်ပြီးသော ဘေးရန်တည်းဟူသော ကွန်ရက်ရှိသည်၎င်း၊ စီးပွားချမ်းသာကိုရသည်၎င်း၊
- လူနတ်တို့ကို အစိုးရသော နတ်မင်းအဖြစ်၎င်း၊ လေးကျွန်းလုံးကို အစိုးရသော စကြဝတေးမင်းဖြစ်သည်၎င်း ဖြစ်ရာ၏။ အဆုံးစွန်သော ကိုယ်၏အဖြစ်၌ ကောင်းသောအကျင့်ရှိသည်ဖြစ်၍ ဘာဝနာတည်းဟူသော ယာဥ်ထက်သို့ တက်စီး၍ အရဟတ္တဖိုလ်ဟု ဆိုအပ်သော မြတ်သောထီးဖြူကို ဆောင်းလျှက် ခပ်သိမ်းတို့၏ ငြိမ်းရာဖြစ်သော နိဗ္ဗာန်သို့ ရောက်လတ္တံ့သတည်း။ ဤကိုယ်အဖြစ်၌လည်း အနာမရှိသည်၎င်း ရှည်သော အသက်ရှိသည်၎င်း ဖြစ်ရ္၏။
၃၃။ ပူဇိတော သဗ္ဗ လောကေဟိ၊ ဘာဝနာဘိရတီ မနော။
ဇနပ္ပိယော မနာပေါစ၊ ကာ ကထာ ခိလ ဓါရဏေ။
- ခပ်သိမ်းသောလူတို့သည် ပူဇော်အပ်သည်၎င်း၊ ဘာဝနာ၌ အလွန်မွေ့လျော်သော နှလုံးရှိသည်၎င်း၊ သူခပ်သိမ်းတို့ ချစ်နှစ်လိုအက်သည်၎င်း၊ သူခက်သိမ်းတို့ နှလုံးကို ပွာစေတတ်သည်၎င်း ဖြစ်ရ္၏။ အလုံးစုံသော ဂါထာကို ဆောင်ခြင်း၌ အဘယ်ဆိုဖွယ်ရာရှိအံ့နည်း။
နမက္ကာရ ဘုရားရှိခိုး ပြီးပါပြီ။
- ရှင်မဟာဗုဒ္ဓဃောသ