၁။ နေနှင့်လ သုံးသပ်တော် မူနိုင်ပုံ
ဣစ္ဆန္တော ယုဂံမုဒ္ဓေန၊ သမံ ဂစ္ဆံ သူရစန္ဟံ၊
ဇေတဝနေ သယာနတော၊ ပရာမိ ဟတ္ထပါဒေန၊
ဗုဒ္ဓ ဓမ္မာ အဟစ္ဆရာ၊ တထာ မေ ဟောန္တု အနန္တဂုဏော။
၂။ ကိုယ်ပွားတော်ဘုရား ဖန်ဆင်းတော်မူနိုင်ပုံ
ဣစ္ဆန္တော အသာဓါရဏံ၊ အနန္တ ဗုဒ္ဓ နိမ္မိတံ၊
စင်္ကမန္တော အဓိဋ္ဌေန၊ မောစေသိ ဗန္ဓနာ ဗဟူ၊
ဗုဒ္ဓ ဓမ္မာ အဟစ္ဆရာ၊ တထာ မေ ဟောန္တု အနန္တဂုဏော။
၃။ ၃၁ ဘုံသို့ ကြွချီတော် မူနိုင်ပုံ
ဣစ္ဆန္တော ယာဝဘဝဂ္ဂါ၊ သမိဉ္ဇိတံ ဗာဟုံယထာ၊
စင်္ကမတိ သိရိဒ္ဓိနာ၊ ဗုဒ္ဓ တေဇေန သံယုတာ၊
ဗုဒ္ဓ ဓမ္မာ အဟစ္ဆရာ၊ တထာ မေ ဟောန္တု အနန္တဂုဏော။
၄။ ရေမီးအစုံ ပြာဋိဟာကို ပြတော်မူနိုင်ပုံ
ဣစ္ဆန္တော သဗ္ဗစက္ကေသု၊ သမာစင်္ကမေ ဂန္တွာပိ၊
ပါဋိဟိရ မကာရယိ၊ နာနာ ဓမ္မေပိ ဒေသေတိ၊
ဗုဒ္ဓ ဓမ္မာ အဟစ္ဆရာ၊ တထာ မေ ဟောန္တု အနန္တဂုဏော။
၅။ မြေလျှိုး မိုးပျံတော်မူနိုင်ပုံ
ဣစ္ဆန္တော ဘဂ္ဂ ဘဂ္ဂရော၊ ဟေဋ္ဌာ ပထဝိံ ဘဝဂ္ဂဉ္စ၊
အတ္ထိ အစိန္တိယာ ယေန၊ ဗုဒ္ဓ လီလာယ ဓမ္မတာ၊
ဗုဒ္ဓ ဓမ္မာ အဟစ္ဆရာ၊ တထာ မေ ဟောန္တု အနန္တဂုဏော။
၆။ ကိုယ်တော်ကို ငယ်အောင်ကြီးအောင် ဖန်ဆင်းတော် မူနိုင်ပုံ
ဣစ္ဆန္တော သာသပဂဗ္ဘေ၊ ဣတောစိတောစင်္ကမတိ၊
ဣစ္ဆန္တော စက္ကဝါဠမ္ပိ၊ အတ္တဘာဝေန နိက္ခမိ၊
ဗုဒ္ဓ ဓမ္မာ အဟစ္ဆရာ၊ တထာ မေ ဟောန္တု အနန္တဂုဏော။
၇။ စကြဝဠာမှ ထွက်ခွာ ကြွသွားတော် မူနိုင်ပုံ
ဣစ္ဆန္တော စကဝါဠမှာ၊ တိဋ္ဌံစ စင်္က ဓမ္ပိစ၊
ယမှိသာသပ ဂဗ္ဘန္တေ၊ အတ္တဘာဝေန နိက္ခမိ၊
ဗုဒ္ဓ ဓမ္မာ အဟစ္ဆရာ၊ တထာ မေ ဟောန္တု အနန္တဂုဏော။
၈။ ကိုယ်တော်ကို သူတစ်ပါးတို့ မနှိပ်စက်နိုင်ပုံ
ဣစ္ဆန္တော အဓိဋ္ဌဟိတွာ၊ နိရောဓံ သမာပဇ္ဇယိ၊
သမာပန္နော ဌိတာကာယော၊ ပီဠိတုံပရေ နသက္ကာ၊
ဗုဒ္ဓ ဓမ္မာ အဟစ္ဆရာ၊ တထာ မေ ဟောန္တု အနန္တဂုဏော။
အနက် –
၁။ နေနှင့်လ သုံးသပ်တော်မူနိုင်ပုံ
ဇိနော – ငါးမာရ်အောင်မြင် ဘုရားရှင်သည်၊ ဣစ္ဆန္တော – အလိုရှိတော် မူသည်ရှိသော်၊ ယုဂံမုဒ္ဓေန – ယုဂန္ဓိုရ် တောင်ထိပ်နှင့်၊ သမံ – အမျှ၊ ဂစ္ဆံ ဂစ္ဆန္တံ – သွားသော၊ သူရ စန္ဒံ – နေလ နှစ်ပါးကို၊ ဇေတဝနေ – ဇေတဝန်ကျောင်းတော်၌၊ သယာနတော သယာနတောဝ – လျောင်းတော်မူလျက်သာလျှင်၊ ဟတ္တပါဒေန – လက်ဖြေတော်ဖြင့်၊ ပရာမိ ပရာမသိ – သုံးသပ်တော် မူနိုင်၏။
ဗုဒ္ဓ ဓမ္မာ – ဘုရား ကျေးဇူးတော်တို့သည်၊ အဟစ္ဆရာ အဟော အစ္ဆရာ – သြော် အံ့ဖွယ်ရှိပေကုန်စွ၊ မေ မမ – ဘုရား တပည့်တော်အား၊ တထာ – ထို့အတူ၊ အနန္တဂုဏော – အတိုင်းမသိသော လောကီ လောကုတ္တရာ နှစ်ဖြာသော ကျေးဇူးတို့သည်၊ ဟောန္တု – ရှိသည် ဖြစ်ပါစေကုန်သတည်း။
၂။ ကိုယ်ပွားတော်ဘုရား ဖန်ဆင်းတော် မူနိုင်ပုံ
ဇိနော – ငါးမာရ်အောင်မြင် ဘုရားရှင်သည်၊ ဣစ္ဆန္တော – အလိုရှိတော် မူသည်ရှိသော်၊ စင်္ကမန္တော – စင်္ကြန်ကြွတော်မူလျက်၊ အဓိဋ္ဌေန – စတုတ္ထဈာန်သမာပတ် မြတ်သည့်တေဇော် အဓိဋ္ဌာန်ဖြင့်၊ အသာဓါရဏံ – နတ် လူ ဗြဟ္မာ သတ္တဝါ အတန်တန်တို့နှင့် မဆက်ဆံသော၊ အနန္တ ဗုဒ္ဓနိမ္မိတံ – အတိုင်းမသိ များစွာဘိသည် နိမ္မိတဘုရား ကိုယ်ပွားတော်ကို၊ မာပေတွာ – ဖန်ဆင်းတော်မူ၍၊ ဗဟူ – နတ်လူများစွာ ဝေနေယျာတို့ကို၊ ဒေသနာယ – တရားမြတ်စွာ ဒေသနာဖြင့်၊ ဗန္ဓနာ – ကိလေသာ ညွှတ်ကွင်း နှောင်အိမ်တွင်းမှ၊ မောစေသိ – အလျှင်းကျွတ်၍ လွတ်စေတော်မူပြီ။
ဗုဒ္ဓ ဓမ္မာ – ဘုရား ကျေးဇူးတော်တို့သည်၊ အဟစ္ဆရာ အဟော အစ္ဆရာ – သြော် အံ့ဖွယ်ရှိပေကုန်စွ၊ မေ မမ – ဘုရား တပည့်တော်အား၊ တထာ – ထို့အတူ၊ အနန္တဂုဏော – အတိုင်းမသိသော လောကီ လောကုတ္တရာ နှစ်ဖြာသော ကျေးဇူးတို့သည်၊ ဟောန္တု – ရှိသည် ဖြစ်ပါစေကုန်သတည်း။
၃။ ၃၁ ဘုံသို့ ကြွချီတော် မူနိုင်ပုံ
ဇိနော – ငါးမာရ်အောင်မြင် ဘုရားရှင်သည်၊ ဣစ္ဆန္တော – အလိုရှိတော် မူသည်ရှိသော်၊ သိရိဒ္ဒိနာ – ကျက်သရေထင်ပေါ် တန်ခိုးတော်ဟု ဆိုအပ်သော၊ ဗုဒ္ဓ တေဇေန – ဘုရားရှင်၏ လျှင်မြန်သော တန်ခိုးတော်နှင့်၊ သံယုတာ – ကောင်းစွာ ယှဥ်တော်မူလျှက်၊ ဗာဟုံ – လက်ရုံးတော်ကို၊ သမိဉ္ဇိတယထာ – လျင်မြန်မနှေး ကွေးဆန့်လိုက် သကဲ့သို့၊ ယာဝဘဝဂ္ဂါ – နေဝသညာ နာတညာယတနဘုံ တိုင်အောင်၊ စင်္ကမတိ – မကြာလျင်လျား စင်္ကြန်သွားတော် မူနိုင်၏။
ဗုဒ္ဓ ဓမ္မာ…..အပေါ်အတိုင်း
၄။ ရေမီးအစုံ ပြာဋိဟာကို ပြတော်မူနိုင်ပုံ
ဇိနော – ငါးမာရ်အောင်မြင် ဘုရားရှင်သည်၊ ဣစ္ဆန္တော – အလိုရှိတော် မူသည်ရှိသော်၊ သဗ္ဗ စက္ကေသု – ဇာတိခေတ်၊ အာဏာခေတ်၊ ဝိသယခေတ် ဟုဆိုအပ်သော သုံးရပ်သော စက္ကဝါတို့၌၊ စင်္ကမေ စင်္ကမေန – စင်္ကြန်တော်ဖြင့်၊ သမ္မာ – ကောင်းစွာ၊ ဂန္တွာ – မကြာမားမား လှမ်းကြွသွား၍၊ ပါဋိဟိရံ – ရေမီးအစုံ ဂုဏ်တော်မကိုဋ် ယမိုက်ရောင်ဝါ ပြဋိဟာကို၊ အကာယရိ – မရှိနှိုင်းတု ပြုတော်မူပြီ၊ နာနာဓမ္မပိ စ – အထူးထူးသော တရားတို့ကိုလည်း၊ ဒေသတိ – ဟောတော်မူ၏။
ဗုဒ္ဓ ဓမ္မာ…..အပေါ်အတိုင်း
၅။ မြေလျှိုး မိုးပျံတော် မူနိုင်ပုံ
ဇိနော – ငါးမာရ်အောင်မြင် ဘုရားရှင်သည်၊ ဣစ္ဆန္တော – အလိုရှိတော် မူသည်ရှိသော်၊ ဗုဒ္ဓလိလာယ – ဘုရားရှင်၏ တင့်တယ် စံပယ်ခြင်းဟုဆိုအပ်သော၊ ဓမ္မတာ ဓမ္မတာယ – သဘောတော်အားဖြင့်၊ ယေန – အကြင် အမှတ်မရှိသော လူနတ်ဗြဟ္မာ သတ္တဝါအပေါင်းသည်၊ အစိန္တိယာ – မိမိတို့၏ တန်ခိုးဉာဏ်ဖြင့် မကြံစွမ်းနိုင်သော၊ ယာဣဒ္ဓိ – အကြင် တန်ခိုးတော်သည်၊ အတ္ထိ – ရှိ၏၊ တာယဣဒ္ဓိယာ – ထိုတန်ခိုးတော်ဖြင့်၊ ဘဂ္ဂ ဘဂ္ဂရော – ဖြန်းဖြန်း ခွဲတော်မူလျက်၊ ဟေဋ္ဌာပထဝိံ – မြေကြီး၏ အောက်သို့၊ နိမုဇ္ဇတိ – လျှိုသွားစုတ်စုတ် ငုပ်တော်မူနိုင်၏၊ ပုန – တစ်ဖန်၊ ဘဝဂ္ဂဉ္စ – ဘဝဂ်တိုင်အောင်လည်း၊ သီဃတရံ – လျှင်မြန်စွာ၊ ပစ္ဆာဂစ္ဆိ – ပြန်လည်တုံ့ခေါက် ရောက်တော်မူနိုင်သည်။
ဗုဒ္ဓ ဓမ္မာ…..အပေါ်အတိုင်း
၆။ ကိုယ်တော်ကို ငယ်အောင်ကြီးအောင် ဖန်ဆင်းဆော် မူနိုင်ပုံ
ဇိနော – ငါးမာရ်အောင်မြင် ဘုရားရှင်သည်၊ ဣစ္ဆန္တော – အလိုရှိတော် မူသည်ရှိသော်၊ သာသပဂဗ္ဘေ – မုန်ညင်းခွံတိုက် အတွင်း၌၊ ဣတောစိတော – ထိုမှ ဤမှ၊ စင်္ကမတိ – ပရိက္ခရာရှစ်ဆူ ဆောင်တော်မူ၍ မည်သူမျှမတန် တန်ခိုးအန်ဖြင့်စင်္ကြန်ကြွတော် မူနိုင်၏၊ ဣစ္ဆန္တော – အလိုရှိတော် မူသည်ရှိသော်၊ စက္ကဝါဠမ္ပိ – စကြဝဠာတိုက် အလုံးကိုလည်း၊ အတ္တ ဘာဝေန – အတ္တဘောတော်ဖြင့်၊ ဆာဒယိ – ဖုံးဖိ လွှမ်းမိုးတော် မူနိုင်၏။
ဗုဒ္ဓ ဓမ္မာ…..အပေါ်အတိုင်း
၇။ စကြဝဠာမှ ထွက်ခွာကြွသွားနိုင် မူနိုင်ပုံ
ဇိနော – ငါးမာရ်အောင်မြင် ဘုရားရှင်သည်၊ ဣစ္ဆန္တော – အလိုရှိတော် မူသည်ရှိသော်၊ ယမှိသာသပ ဂဗ္ဃဘ – အကြင်နုနိညင်းခွံတိုက်အတွင်း၌၊ တိဋ္ဌိစ – ရပ်လည်း ရပ်တော်မူနိုင်၏၊ စင်္ကမ္ပိစ – စင်္ကြန်လည်း ကြွတော် မူနိုင်၏၊ စက္ကဝါဠမှာ – စကြာဝဠာတိုက်မှ၊ အတ္တဘာဝေန – အတ္တဘောတော်ဖြင့်၊ နိက္ခမိ – ထွက်တော်မူနိုင်၏။
ဗုဒ္ဓ ဓမ္မာ…..အပေါ်အတိုင်း
၈။ ကိုယ်တော်ကို သူတစ်ပါးတို့ မနှိပ်စက်နိုင်
ဇိနော – ငါးမာရ်အောင်မြင် ဘုရားရှင်သည်၊ ဣစ္ဆန္တော – အလိုရှိတော် မူသည်ရှိသော်၊ နိရောဓံ – နိရောဓ သမာပတ် မြတ်သောချမ်းသာကို၊ အဓိဋ္ဌာဟိတွာ – ဆောက်တည်တော်မူ၍၊ သမာပဇ္ဇယိ – ဝင်စားတော် မူ၏၊ သမာပန္နော – ဝင်စားတော်မူလျက်၊ ဌိတာကာယော – တည်သော ကိုယ်တော်ကို၊ ပရေ – တစ်ပါးသော သူတို့သည်၊ ပီဠိတုံ – နှိပ်စက်ခြင်းငှာ၊ နသက္ကာ – မတတ်နိုင်။
ဗုဒ္ဓ ဓမ္မာ…..အပေါ်အတိုင်း
အညွှန်း –
- ကဝိမဏ္ဍန မေဒနီကျမ်း၊ နှာ- ၂၃၊ ၂၄၊ ၂၅၊ ၂၆၊ ၂၇ (ဆီးပန်းနီ ဆရာတော်)
- လူမြင်သမျှ ချစ်စင်စုံမက် ယုံကြည် အားကိုးခံရသည်။
- မိမိပြောသမျှစကားကို အခြားသူတို့ နာခံကြသည်။
- ကျက်သရေ မင်္ဂလာအပေါင်းနှင့် ပြည့်စုံသည်။
- အပြိုင်အဆိုင်ရှိလျှင် မိမိကသာ အောင်ရာသည်။
- ရန်းဘေးဟူသမျှ ကင်းသည်။
- သီလစင်ကြယ်မှသာလျှင် လိုအပ်သော အကျိုးတရားကို ရရှိနိုင်သည်။