သုနက္ခတ္တံ သုမင်္ဂလံ၊ သုပ္ပဘာတံ သုဟုဋ္ဌိတံ။
သုခဏော သုမုဟုတ္တောစ၊ သုယိဋ္ဌံ ဗြဟ္မစာရိသု။
အနက် –
- (ယသ္မိံ ဒိဝသေ – အကြင်နေ့၌၊ တယော-သုစရိတဓမ္မေ – သုစရိုက်တရား သုံးပါးတို့ကို၊ ပရိပူရေန္တိ – ဖြည့်ကျင့်ကြကုန်၏၊ သော ဒိဝသော – ထိုနေ့သည်) သုနက္ခတ္တံ – နက္ခတ် အပေါင်း မကောင်းမရှိ အကောင်းအတိသာတည်း၊ သုမင်္ဂလံ – အမင်္ဂလာ ဘယ်ခါမရှိ ကောင်းမြတ်သော မင်္ဂလာ အတိသာတည်း၊ သုပ္ပဘာတံ – အပြစ် ကင်းရှင်း ကောင်းသော မိုးလင်းရခြင်း ပင်တည်း၊ သုဟုဋ္ဌိတံ – သာယာ သန့်ရှင်း ကောင်းသော အိပ်ယာမှ ထရခြင်းပေတည်း၊ သုခဏော – ကြုံလာဆိုက်ရ ခဏတိုင်းမှာ ကောင်းသော ခဏချည်းသာတည်း၊(တသ္မိံ ဒိဝသေ – ထိုသုစရိုက် ကျင့်ရာနေ့အခါ၌) ဗြဟ္မ စာရိသု – မြတ်သောအကျင့်ကို ကျင့်လေ့ရှိသူ ပုဂ္ဂိုလ်တို့၌၊ ယိဋ္ဌံ – လှူအပ် ပူဇော်အပ်သော အလှူသည်၊ သုယိဋ္ဌံ – အပြစ်ကင်း၍ သန့်ရှင်းကောင်းမြတ်သော ပူဇော်ရခြင်း ဖြစ်ပါပေ၏။
အညွှန်း –
- ပုဗ္ဗဏှသုတ်လာ ဂါထာ
နံနက် အိပ်ယာထတိုင်း ရွတ်ဆိုပါက အိမ်တွင် ကျက်သရေ မင်္ဂလာ အပေါင်းနှင့် ပြည့်စုံစေနိုင်သည်။