၁။ ဌာနာဌာနေ ဝိပါကေစ၊ ဉာဏံ ပဋိပဒါယစ၊
နာနာဓါတုမှီ လောကမှီ၊ သတ္တာနံ အဓိမုတ္ထိယာ။
၂။ ဈာနာဒီနံ သံကိလေသေ၊ ဝေါဒါနေ စ ပရောပရေ၊
ပုဗ္ဗေနိဝါသာနုတိ၊ ဒိဗ္ဗာစက္ခါ သဝက္ခယံ။
၃။ ဒသဗလာ စ သမ္ပုဏ္ဏာ၊ ဝိနာယကဿ သဗ္ဗသော၊
ဧသေန သစ္စဝဇ္ဇေန ဟောတု (မေ) ဗလဝဍ္ဎနံ။
အနက်-
၁။
- ဌာနာဌာနေ – အကြောင်းဟုတ်သာ် မဟုတ်သည်၌၊ ဉာဏဉ္စ – သိသောဉာဏ်တော်၎င်း၊ (ဝါ) ဌာနာဌာနကောသလ္လ ဉာဏ်တော်၎င်း၊
- ဝိပါကေ – ကုသိုလ်ကံ အကုသိုလ်ကံ၏ အကျိုး၌၊ ဉာဏဉ္စ – သိသောဉာဏ်တော်၎င်း (ဝါ) ကမ္မသမာဒါနဝိပါက ဉာဏ်တော်သည်၎င်း၊
- ပဋိပဒါယ – ဆိုးကောင်း ယုတ်မြတ်ဖြစ်သော ဂတိငါးပါးသို့ လားစေတတ်သော အကျင့်၌၊ ဉာဏဉ္စ – သိသောဉာဏ်တော်၎င်း၊ (ဝါ) သဗ္ဗတ္တဂါမိနီ – ပဋိပဒါ ဉာဏ်တော်၎င်း၊
- နာနာဓါတုမှိ – အဖူးထူး အပြားပြားများစွာသော ဓါတ်ရှိသော၊ လောကမှီ – လောက၌၊ ဉာဏဉ္စ – သိသောဉာဏ်တော်၎င်း၊ (ဝါ) နာနာဓါတုလောက – ဉာဏ်တော်၎င်း၊
- သတ္တာနံ – သတ္တဝါတို့၏၊ အဓိမုတ္တိယာ – နှလုံးသွင်း၌ (ဝါ) အလိုဆန္ဒ၌၊ ဉာဏဉ္စ – သိသောဉာဏ်တော်၎င်း (ဝါ) နာနာဓိမုတ္တိကတာ ဉာဏ်တော်၎င်း။
၂။
- ဈာနာဒီနံ – ဈာန်အစရှိသည်တို့၏၊ သံကိလေသေ – ညစ်ညူးကြောင်းဖြစ်သော အကျင့်၌၎င်း၊ ဝေါဒါနေ – ဖြူစင်ကြောင်းဖြစ်သော အကျင့်၌၎င်း၊ ဉာဏဉ္စ – သိသောဉာဏ်တော်၎င်း၊ (ဝါ) သံကိလေသဝေါဒါန ဉာဏ်တော်၎င်း၊
- ပရောပရေ – ပုဂ္ဂိုလ် သတ္တဝါဟူသမျှတို့၏ ဣန္ဒြေ အရင့်အနု၌ (ဝါ) ဣန္ဒြေအရင့်အနု၌ (ဝါ) ဣန္ဒြေကြီးပွားခြင်း ဆုတ်ယုတ်ခြင်း၌၊ ဉာဏဉ္စ၊ သိသောဉာဏ်တော်၎င်း (ဝါ) ဣန္ဒြိယပရော ပရိယတ္တိဉာဏ်တော်၎င်း၊
- ပုဗ္ဗေနိဝါသာနုဿတိစ – ရှေး၌ နေဖူးဖြစ်ဖူးသော ခန္ဓါအစဥ်စသည်ကို အောက်မေ့ဆင်ခြင် သိမြင်တော်မူနိုင်ခြင်း တည်းဟူသော ပုဗ္ဗေနိဝါသာနုဿတိဉာဏ်တော်၎င်း၊
- ဒိဗ္ဗစက္ခါ – အပိတ်အပင်အတားအဆီးမရှိ နတ်မျက်စိကဲ့သို့ ပကတိ သိမြင်တော်မူခြင်-း ဒိဗ္ဗစက္ခုအဘိညာဥ်ဉာဏ်တော်၊
- သဝက္ခါယဉ္စ-သဝက္ခယံ-အာသဝေါတရားတို့၏ကုန်ရာ နိဗ္ဗာန်ကိုသိတော်မူခြင်း-အာသဝက္ခယဉာဏ်တော်၎င်း။
၃။ ဣတိ – ဤသို့၊ ဒသ – ဆယ်ပါးကုန်သော၊ ဗလာစ – ဉာဏဗလတည်းဟူသော အားတော်တို့သည်လည်း၊ ဝိနာ ယကဿ – ဝိနာယက အမည်တော်ရသော သဗ္ဗညုဘုရား ကိုယ်တော်မြတ်ကြီးအား၊ သဗ္ဗသော ခပ်သိမ်းသော အခြင်းအရာအားဖြင့်၊ သမ္ပုဏ္ဏာ – ကောင်းစွာပြည့်စုံတော်မူကုန်၏။
ဧသေန သစ္စဝဇ္ဇေန – ဤသို့ အားတော်ဆယ်တန် ဉာဏ်တော်ဆယ်ချက် ချီးကျူးမြွက်သည် နှုတ်နက်သစ္စာ မြတ်မွန်စွာကြောင့်၊ မေ မမ – တပည့်တော်အား၊ ဗာဝဍ္ဎနံ – ကြံအားဖန်အား တိုးပွားဒိဋ္ဌ စိတ်ချရ၍ ကိစ္စများမြောင် ဆောင်တိုင်းအောင်သည်၊ ဟောတု – ဖြစ်ပါစေသတည်း။
အညွှန်း –
- မူလပဏ္ဏာ ပါဠိတော် ဒသကင်္ဂုတ္တရပါဠိတော်၊ ဝိဘင်းပါဠိတော်
ကောင်းမြတ်သောအကြံအား၊ ဉာဏ်အားများ တိုးပွားကြီးမြင့်ကြပါလိမ့်မည်။