သက်တော်မြဲ ဂါထာ
အဋ္ဌာနမေတံ ဘိက္ခဝေ အနဝကာသော
ယံ ပရူပက္ကမေန တထာဂတံ
ဇီဝိတာ ဝေါရော ပေယျ။
အနုပက္ကမေန ဘိက္ခဝေ
တထာဂတာ ပရိနိဗ္ဗာ ယန္တိ။
ဧတေန သစ္စဝဇ္ဇေန
သောတ္ထိ မေ ဟောတု သဗ္ဗဒါ။
(မိမိအတွက် ရွတ်ဆိုရန် ဖြစ်သည်။)
ဧတေန သစ္စဝဇ္ဇေန
သောတ္ထိ တေ ဟောတု သဗ္ဗဒါ။
(အများအတွက် ရွတ်ဆိုရန် ဖြစ်သည်။)
ဂါထာတော်အနက်
ဘိက္ခဝေ- ရဟန်းတို့၊ ယံ- အကြင်ကြောင့်၊ပရူပက္ကမေန-သူတပါးတို့၏ လုံ့လပရောဂဖြင့်၊
တထာဂတံ-သင်တို့ဆရာငါဘုရားကို၊
ဇီဝိတာ ရုပ်နာမ်နှစ်ထွေ ဣန္ဒြေမြွတ်ခေါ်
အသက်တော်မှ၊ ဝေါရောပေယျ-ခွင်းကာပျက်ခြွေ ၊ ချသတ်ပေရာ၏။
ဧတံ-ဤသို့ရုပ်နာမ်ပျက်ခွင်း၊ ချသတ်နိုင်ခြင်းသည်၊ အဋ္ဌာနံ-အကြောင်းခြင်းရာ မဟုတ်သည်သာလျှင် သာတည်း။
ဧတံ ဧသော -ဤသို့ရုပ်နာမ်ချသတ်နိုင်ခြင်းသည်၊
အန၀ကာသော -အခွင့်အခါ မဟုတ်သည်သာတည်း
ဘိက္ခဝေ-ငါဘုရားကိုစောင့်ရှောက်နေငြား အိုချစ်သား ရဟန်းတို့၊ တထာဂတာ-ရှေးရှေးအတူ ကြွလာတော်မူသောမြတ်စွာဘုရားတို့သည်၊
အနုပက္ကမေန-သူတပါး၏ လက်နက်လုံ့လ ပယောဂ တို့ကို လုံးဝမရှိပဲ လျက်သာလျှင်၊
ပရိနိဗ္ဗာယန္တိ-နိဗ္ဗာနကိန်း ငြိမ်းတော်မူကြ
ပေကုန်၏။
ဧတေန သစ္စဝဇ္ဖေန-ဤသို့ထုတ်ပြန်ဟုတ်မှန်သော သစ္စာစကားကို မြွတ်ကြားရပေသောကြောင့်၊
မေ- ချမ်းသာလိုလား ဘုရားတပည့်တော်အား၊
သဗ္ဗဒါ-နေ့ရော ညပါ အခါခပ်သိမ်း၊ သောတ္ထိ-လက်နက်ပရောဂကင်းစင်ပ၍ ချမ်းသာရခြင်းသည်၊ ဟောတု- စင်စစ်မသွေ ဖြစ်ရပါစေသတည်း။
အကျိုး – အသက်အန္တရာယ် ပြုခံရခြင်းမှ ကင်းဝေးစေပါသည်။ လတ်တလော သေစေတတ်သော ဥပစ္ဆေဒကကံမျိုးများ နှိပ်စက်ခံရမှုမှ ကင်းဝေးစေပါသည်။
သက်တော်ရှည် ဂါထာ
နာညတြ ဗောဇ္ဈတပသာ၊
နာညတြိန္ဒြိယ သံဝရာ။
နာညတြ သဗ္ဗနိဿဂ္ဂါ၊
သောတ္ထိံ ပဿာမိ ပါဏိနံ။
ဘေးအန္တရာယ် ကင်းရှင်းပြီး ကောင်းကျိုးချမ်းသာ မင်္ဂလာ ကျက်သရေ ဖွံ့ဖြိုးတိုးတက်လာမည် ဖြစ်သည်။ မိမိ၌ ကျရောက်လာနိုင်သော အသက်ဘေးအန္တရာယ် အသွယ်သွယ်ကို အကာအကွယ်ပြုနိုင်ပါသည်။ အသက်ရှည်ခြင်းအကျိုးကို ခံစားရသည်။
သက်တော်တည် ဂါထာ
ဃဋ္ဋေသိ ဃဋ္ဋေသိ၊
ကိံ ကာရဏာ ဃဋ္ဋေသိ၊
အဟမ္ပိ တံ ဇာနာမိ။
အသက်ဘေး အန္တရာယ်ကို ကာကွယ်နိုင်ရုံမက စည်းစိမ်ဥစ္စာ ရတနာ တိုးတက်ခြင်း၊ သူခိုး၊ ဓါးမြ ဘေးအန္တရာယ်မှ ကင်းလွတ်စေနိုင်သည်။