၁။ ဥပဂုတ္တော၊ မဟာထေရော၊ သမ္ဗုဒ္ဓေနာပိ ဗျာကတော၊
မာရဉ္ဇ မာရဗလဉ္စ၊ ဒမေဿတိ အနာဂတေ။
၂။ ဥပဂုတ္တော မဟာဝီရော၊ သမ္ဗုဒ္ဓေနာပိ ဗျာကတော၊
မာရဉ္စ မာရဗလဉ္စ၊ ဒမေဿတိ အနာဂတေ။
၃။ တာဒိတောစ ထေရောသဗ္ဗ၊ အန္တရာယ ဝိဒ္ဓံသတံ၊
ယံယံ ဥပဒ္ဒဝံ ဇာတံ၊ ဝိဒ္ဓံသေတု အသေသတော။
၄။ အာဂတော ဒါနိ သောထေရော၊ မမသီသေ ပတိဋ္ဌိတော၊
မာရေန ဇနိတံ သဗ္ဗံ၊ အန္တရာယ ဝိဒ္ဓံသတံ။
၅။ ဝန္ဒါဟံ သိရသာ ဒါနိ၊ ဥပဂုတ္တံ မဟိဒ္ဓိကံ၊
သဗ္ဗရောဂါ ဝိရောဓါယ၊ ပရိတ္တံ ဒေတု မင်္ဂလံ။
အနက် –
၁။ ဥပဂုတ္တော – အရှင်ဥပဂုတ် အမည်ရှိသော၊ မဟာထေရော – သမုဒ္ဒရာတောင်ရပ် ကြေးပြသာဒ်နှင့် စံလတ်ရွှင်ပျော် မထေရ်ကျော်ကြီးကို၊ သမ္ဗုဒ္ဓေနာပိ – လောကထွတ်တင် ဘုရားရှင်ကလည်း၊ ဗျာကတော – ဗျာဒိတ်စကား မိန့်ကြားတော် မူအပ်ခဲ့ပါပေ၏။ မာရဉ္စ – ဝသဝတီ ရွှေပြည်ပိုင်နင်း မာရ်နတ်မင်းကို၎င်း၊ မာရဗလဉ္စ – ဝိုင်းရံပတ်ပတ် မာရ်နတ်၏ စစ်တပ်ကို၎င်း၊ အနာဂတေ – သာသနာတော်နှစ် နောက်ပိုင်းခေတ်၌၊ ဒမေဿတိ – အဘိညာဉ်တန်ခိုး အမျိုးမျိုးဖြင့် လက်ပြန်ကြိုးတုပ်နှောင် လိမ္မာအောင် ဆုံးမနိုင်ပေလတ္တံ့တည်း။
၂။ မဟာဝီရော – ကြီးမားသော လုံ့လ ဝီရိယ ရှိတော်မူသော၊ ဥပဂုတ္တော – အရှင်ဥပဂုတ္တ နာမည်ကျော်တည်း ရဟန္တာအရှင်မြတ်ကြီးသည်၊ မာရဉ္စ – တန်ခိုးပြင်းထန် မာရ်နတ်မင်းကို၎င်း၊ မာရဗလဉ္စ – ခြွေရံသင်းပင်း မာရ်နတ်မင်း၏ စစ်သည်များကို၎င်း၊ အနာဂတေ – တတိယသင်္ဂါယနာတင်ခေတ် နောက်ပိုင်းသာသနာတော်နှစ်၌၊ ဒမေဿတိ – သာသနာဝင် ကမ္ဘာတွင်အောင် အစဥ်ဆုံးမနိုင်လတ္တံ့၊ ဣတိ – ဤသို့လျှင်၊ သမ္ဗုဒ္ဓနာပိ – သုံးဘုံကျော်ကြား ရှင်တော်မြတ်ဘုရားသည်လည်း၊ ဗျာကတော – ရွှေနှုတ်တော်ဖြင့် ထုတ်ဖော်မြွက်ကြား ဗျာဒိတ်ထားတော်မူခဲ့ပါပေသတည်း။
၃။ တာဒိတော – ထိုသို့လျှင် အဘိညာဉ်တန်ခိုး အမျိုးမျိုး ရှိတော်မူသော၊ ထေရောစ – အရှင်ဥပဂုတ် သမုတ်ကျော်ကြား ရဟန္တာအရှင်မြတ်ကြီးသည်၊ သဗ္ဗအန္တရာယံ – ဘေးရန် အသွယ်သွယ် အန္တရာယ်ခပ်သိမ်းကို၊ ဝိဒ္ဓိသတံ ဝိဒ္ဓံသတု – ဘေးရန်မရောက်အောင် ပယ်ဖျောက်နိုင်ပါစေသတည်း။ ယံယံ ဥပဒ္ဒဝံ – အကြင် အကြင် ဘေးရန်အပေါင်းသည်၊ ဇာတံ – ဖြစ်ပေါ်၍ လာပါပေ၏၊ ကံကံ – ထိုသို့ဖြစ်ပေါ်လာသော ဘေးရန်အပေါင်းကို၊ အသေသတော – အကြွင်းမရှိရလေအောင်၊ ဝိဒ္ဓံသေတု – ဘေးရန် မရောက်အောင် စောင့်ရှောက်တားဆီးနိုင်ပါစေသတည်း။
၄။ သောထေရော – ထိုဥပဂုတ် သမုတ်ကျော်တည်း ရဟန္တာအရှင်မြတ်ကြီးသည်၊ ဒါနိ – ဘေးရန်ကြုံလာ ယခုလို အခါ၌၊ အာဂတော – မိမိထံမှောက် ကြွရောက်တော်မူလာပြီးလျှင်၊ မမ – တပည့်တော်၏၊ သီသေ – ကိုယ်ဒြပ်တွင် အမြတ်တင်သည့် ဆံပင်စုပေါင်း မြတ်ဦးခေါင်းပေါ်၌၊ ပတိဋ္ဌိတော – မားမားမတ်မတ် ရပ်တော်မူလာပြီးလျှင်၊ မာရေန – အကြံစက်ဆုပ် မာရ်နတ်ယုတ်သည်၊ ဇနိတံ – ဖြစ်စေအပ်သော၊ သဗ္ဗအန္တရာယံ – ဘေးရန်အသွယ်သွယ် အန္တရာယ်အပေါင်းကို၊ ဝိဒ္ဓံသတံ ဝိဒ္ဓံသတု – ဘေးရန် မရောက်အောင် စောင့်ရှောက် ယ်ဖျောက်ပါစေသတည်း။
၄။ အဟံ – တပည့်တော်သည်၊ ဒါနိ – ယခုအခါ၌၊ မဟိဒ္ဓိကံ – အရှင်မဟာ မောဂ္ဂလန် အလားကဲ့သို့ ကြီး မားသော တန်ခိုးရှိတော်မူသော၊ တံ ဥပဂုတ္တံ – အရှင်ဥပဂုတ္တ နာမည်ကျော်ဟည်း ရဟန္တာအရှင်မြတ်ကြီးကို၊ သိရသာ – ဦးခေါင်းရတနာ မြတ်အင်္ဂါဖြင့်၊ ဝန္ဒေ ဝန္ဒါမိ – လက်စုံမိုးကာ ရှိခိုးပါ၏၊ သဗ္ဗရောဂါ – အလုံးစုံသော ရောဂါဝေဒနာ အမျိုးမျိုးတို့မှ၊ ဝိရောဓါယ- ချုပ်ငြိမ်းကင်းပျောက် မရောက်ပါစေခြင်း အကျိုးငှာ၊ မင်္ဂလံ – မကောင်းမှု ပယ်ဖျောက် မင်္ဂလာကောင်းကျိုး ရောက်စေနိုင်သော၊ ပရိတ္တံ – ဘေးရန်အများ တားဆီးပေးတတ် ပရိတ်တရားတော်မြတ်ကို၊ ဒေတု – ကရုဏာပွား မေတ္တာထား၍ ပေးသနားတော်မူပါ အရှင်မြတ်ကြီးဘုရား။
- တောင်ငူမြို့ ရေတာရှည် မယ်ဒက်တောရဆရာတော်ဘုရားကြီး၏မူ ဖြစ်ပါသည်။
- ရောဂါဘေးဆိုးမှ ကင်းဝေးစေနိုင်သည်။
- ပင်လယ်ရေကြောင်းခရီးတွင် မုန်တိုင်းဘေးအန္တရာယ် ကင်းဝေးစေရန် တစ်နေ့ကိုးကြိမ်ပွားများပါ။
အရှင်ဥပဂုတ်မထေရ်မြတ်ကြီးအား စည်စူးလျှက် ဆွမ်း၊ သစ်သီး၊ ရေချမ်း၊ ဆီမီးများ ကပ်လှူပြီး ဘေးအန္တရာယ် ကင်းဝေးစေရန် ဆုတောင်းရပါသည်။
[တစ်နည်း]
၁။ ဥပဂုတ္တော မဟဒ္ဓိကော၊
သမ္ဗုဒ္ဓေန ဝိညာဂတော။
မာရဉ္စ မာရဗလဉ္စ၊
ဒမေဿတိ အနာဂတေ။
၂။ မမသီသေ ပတိဋ္ဌိတော၊
မာရေနာ သုဏိတံ ကတွာ။
အန္တရာယော ဝိနဿန္တု၊
အဟံ ဝန္ဒေ ဣဒါနေဝ။
၃။ ဥပဂုတ္တံ မဟိဒ္ဓိကံ၊
ရာဇတော ဝါ ဥပဒ္ဒဝေ။
သောကရောဂါ ဝိရောဓါယ၊
ပရိတ္တံ ဇယမင်္ဂလံ။
၄။ တာဒိသော ထေရော မာရေန၊
ဇိနတံ ကတွာ စ သဗ္ဗေ။
အန္တရာယော ဝိနဿန္တု၊
ဣဒါနေဝ ဥပဂုတ္တော၊ မဟိဒ္ဓိကော။
ယံ ယံ ဥပဒ္ဒဝံ ဇာတံ၊
ဝိဒ္ဓံသေတု အသေသတော။
အကျိုး – ကိုယ်တွင်း ကိုယ်ပ နှစ်ဌာနဝယ် ငြိတွယ်စေတတ်သော ဘေးအန္တရာယ်များ ကင်းရှင်းခြင်း၊ ရန်သူကို မိမိက တရားသဖြင့်အောင်နိုင်ခြင်း၊ သူတပါးတို့ မိစ္ဆာဇီဝပညာဖြင့် ပြုစား၊ သတ်ဖြတ်၊ နှိပ်စက်တတ်သော ပယောဂများ ကိုယ်ဝယ်မထိရောက် ပျောက်ပြယ်လွင့်စင်စေခြင်းနှင့် တောင်းသောဆုများ ပြည့်ဝစေသော အကျိုးတရားများကို ခံစား စံစားစေနိုင်ပါသည်။