- ပုထုဇဥ်ကဲ့သို့ လောဘ၊ ဒေါသ ဖြစ်ကြောမရှည်၊ ဖြစ်ကြောတိုသည်။
- လောဘ၊ ဒေါသ၊ မောဟ၊ ထိန၊ မိဒ္ဓ၊ ဥဒ္ဓစ္စ၊ ကုက္ကုစ္စ၊ ဗျာပါဒ.. စသည့် ကိလေသာတရားများ ဖြစ်ပေါ်လာလျှင် ချက်ချင်းသတိရှိပြီး ယင်းကိလေသာများ ညိမ်းအေးအောင် ကမ္မဋ္ဌာန်းအလုပ်ကို ပို၍လုပ်သည်။ သောတာပန်ဟူသည် ဒုက္ခကို ဆုံးအောင် ကုန်အောင်ရှုပြီးသော ပုဂ္ဂိုလ်ဖြစ်သဖြင့် ပေါ်လာသော ကိလေသာတရားကို ဖြစ်ပျက်ရှုပြီး ဒုက္ခငြိမ်းအောင် ချက်ချင်းလုပ်လေ့ရှိသည်။ မနက်ပိုင်း၊ နေ့လည်ပိုင်းက မှားခဲ့သော ကိလေသာတရားကို ညပိုင်းရောက်လျှင် အနိစ္စ၊ အနတ္တဟူ၍ ရှုလေ့ရှိသည်။
- ဗုဒ္ဓ၏သာသနာ၌သာ မဂ်ဖိုလ်လေးတန်ရနိုင်ကြောင်း ပိုင်ပိုင်နိုင်နိုင်သိသည်။ အခြားသော ဘာသာအယူဝါဒမှာ မဂ်-ဖိုလ်မရှိနိုင်ကြောင်း အသေအချာ သိရှိနားလည်သည်။
- သောတာပန်ဖြစ်ပြီးသူသည် အခြားသော အယူဝါဒ ဘာသာ၊ သာသနာသို့ ကူးပြောင်းရိုး ထုံးစံမရှိပါ။ ပုထုဇဥ်ကဲ့သို့ အမှားကိုသိလျှက် ခါးစည်းပြီး မခံပါ။ အမှားကို ချက်ချင်းပြေပြောက်အောင် ချက်ချင်းဆောင်ရွက်သည်။ ပြုပြင်သည်။ ချက်ချင်းတောင်းပန်သည်။
- လူဝန်းကျင်၌ နေထိုင်ရသော်လည်း အမှုကိစ္စများတွင် လီဆယ်ထွက်ဆိုခြင်း၊ မတရား သက်သေအဖြစ် လုပ်ကြံပြောဆိုခြင်း မပြုပါ။ ငွေကြေးကြောင့်၎င်း၊ အာဏာကြောင်း၎င်း၊ သံယောဇဥ်ကြောင်း၎င်း၊ မိမိ၏သီလ၊ သမာဓိ၊ ပညာကို အစွန်းအထင်း အဖြစ်မခံပါ။
- သစ္စာတရားကို ကြားနာပြီဆိုလျှင် အစ၊ အလယ်၊ အဆုံး နားလည်သည်။
- သစ္စာတရားကိုနာပြီး ခန္ဓါ၌ ဉာဏ်လှည့်ပြီးနောက် ခန္ဓါအရှိနဲ့ ဥာဏ်အသိ ကိုက်ညီတိုက်ဆိုင်နေတာ တွေ့ရပြီး ဟုတ်ပါပေတယ်ဟု ဆိုပြီး ပီတိဖြစ်သည်။ သစ္စာတရား ဟောကြားပြသသော ဆရာကိုလည်း ကျေးဇူးတင်မဆုံးပဲ လက်အုပ်ချီပြီး “ကတညုတ ကတဝေဒီ” ဆိုသလို သူ့ကျေးဇူးကို ဆပ်လေ့ရှိသည်။