- ရုပ်နာမ်ဓမ္မသင်္ခါရကို ကိုယ်တွေ့.၊ ဉာဏ်တွေ့ အမှန်တွေ့အောင် ကျကျနန ဟောပြောပြတတ်သော သူတော်ကောင်းတို့နှင့် ပေါင်းဖက်ပြီး မှီဝဲဆည်းကပ်နေခြင်းသည် သောတာပန်ဖြစ်ရန် အင်္ဂါဖြစ်သည်။
- ရုပ်နာမ်ဓမ္မ သဘာဝကို ကျကျနန နားလည်အောင် သစ္စာတရားကို နာကြားနေခြင်းသည် သောတာပန်ဖြစ်ရန် အင်္ဂါဖြစ်သည်။
- ရုပ်နာမ်ဓမ္မ သင်္ခါရတို့၏ အနိစ္စ၊ ဒုက္ခ၊ အနတ္တ လက္ခဏာရေး (၃)ပါးကို သိမြင်အောင် ကြိုးစားအားထုတ်နေခြင်းသည် သောတာပန်ဖြစ်ရန် အင်္ဂါဖြစ်သည်။
- ရုပ်နာမ်ဓမ္မ သင်္ခါရတို့ ဖြစ်ပြီး ပျက်နေခြင်းကို မြင်အောင်၊ ဉာဏ်မျက်လုံးဖြင့် မြင်အောင် ကြည့်ပြီး၊ ယင်း ဖြစ်-ပျက်ကို ချုပ်ဆုံးသွားသည်အထိ မြင်အောင် အားထုတ်နေခြင်းသည်လည်း သောတာပန်ဖြစ်ရန် အင်္ဂါဖြစ်သည်။