ရုပ် ၂၈ ပါးတွင်-
- စက္ခုပသာဒရုပ်သည် စက္ခုဓါတ်၊
- သောတပသာဒရုပ်သည် သောတဓါတ်၊
- ဃာနပသာဒရုပ်သည် ဃာနဓါတ်၊
- ဇိဝှါပသာဒရုပ်သည် ဇိဝှါဓါတ်၊
- ကာယပသာဒရုပ်သည် ကာယဓါတ်၊
- ရူပါရုံသည် ရူပဓါတ်၊
- သဒ္ဒါရုံသည် သဒ္ဒဓါတ်၊
- ဂန္ဓာရုံသည် ဂန္ဓဓါတ်၊
- ရသာရုံသည် ရသဓါတ်၊
- ပထဝီ, တေဇော, ဝါယော ဟုဆိုအပ်သော ဖောဋ္ဌဗ္ဗာရုံသည် ဖောဋ္ဌဗ္ဗဓါတ် မည်၏။
စိတ်ဟူသော ပရမတ္တတရားအရ အဟိတ်စိတ် ၁၈ ပါးတွင် –
- စက္ခုဝိညာဏ်ဒွေးသည် စက္ခုဝိညဏဓါတ် မည်၏။
- သောတဝိညာဏ်ဒွေးသည် သောတဝိညာဏဓါတ် မည်၏။
- ဃာနဝိညာဏ်ဒွေးသည် ဃာနဝိညာဏမည်၏။
- ဇိဝှါဝိညာဏ်ဒွေးသည် ဇိဝှါဝိညာဏဓါတ် မည်၏။
- ကာယဝိညာဏ်ဒွေးသည် ကာယဝိညာဏဓါတ်မည်၏။
- ပဥ္စဒွါရာဝဇ္ဇန်းနှင့် သမ္ပဋိစ္ဆိုင်းဒွေးပေါင်း ၃ ပါးသည် မနောဓါတ် မည်၏။
- ဒွေးပဥ္စဝိညာဏ် ၁၀၊ မနောဓါတ် ၃ ပါးမှ ကြွင်းသော ၇၆ ပါးသော စိတ်တို့သည် မနောဝိညာဏဓါတ် မည်၏။
- စေတသိက် ၅၂၊ သုခုမရုပ် ၁၆၊ နိဗ္ဗာန်တရားဟုဆိုအပ်သော ဓမ္မာရုံသည် ဓမ္မဓါတ် မည်၏။ ဤသို့လျှင် ပေါင်းဓါတ် ၁၈ ပါး ဖြစ်၏။