- နမော တဿ ဘဂဝတော အရဟတော သမ္မာသမ္ဗုဒ္ဓဿ။
- နမော ဓမ္မဿ။
- နမော သံဃဿ။
- နမော အာစရိယာနံ။
- တိဋ္ဌန္တု သီသေ မေ ဧတေ။
- အန္တရာယာ သမေန္တုမေ။
အနက် –
- ဘဂဝတော – ဣဿရိယ၊ ဓမ္မ၊ ယသ၊ သိရီ၊ ကာမ၊ ပယတ္တ တည်းဟူသော ခြောက်ဝဘုန်းဟုန် ကျေးဇူးဂုဏ်နှင့် ပြည့်စုံတော်မူထသော၊ အရဟတော – ကိလေသာ ကင်းပြတ်သဖြင့် မြတ်သောအလှူကို ခံတော်မူထိုက်ပေသော၊ တဿ သမ္မာ သမ္ဗုဒ္ဓဿ – မဖောက်မပြန်သယမ္ဗူဉာဏ်ဖြင့် အမှန်ထိုးထွင်း၍ သိမြင်တော်မူသော ထိုမြတ်စွာဘုရားသခင်အား၊ နမော – ရှိခိုးပါ၏။
- ဓမ္မဿ – မြတ်စွာဘုရား ဟောကြားတော်မူအပ်သော တရားတော်မြတ်အား၊ နမော – ရှိခိုးပါ၏။
- သံဃဿ – မြတ်စွာဘုရား၏ တပည့်သား သံဃာတော်မြတ်အား၊ နမော – ရှိခိုးပါ၏။
- အာစရိယာနံ – ပည္ သိပ္ပ ညွှန်ပြသွန်သင် ကျေးဇူးရှင် ဆရာမြတ်တို့အား၊ နမော – ရှိခိုးပါ၏။
- ဧတေ – ထိုဘုရား၊ တရား၊ သံဃာ၊ ဆရာ အရှင်မြတ်တို့သည်၊ မေ – အကျွန်ူပ်၏၊ သီသေ – ဦးခေါင်းရတနာ မြတ်အင်္ဂါထက်၌၊ တိဋ္ဌန္တု – တည်နေကိန်းဝပ်တော် မူကြပါစေကုန်သတည်း။
- မေ – အကျွန်ုပ်အား၊ အန္တရာယာ – ဘေးအတန်တန် ရန်အသွယ်သွယ် အန္တရာယ်ဟူသမျှတို့သည်၊ သမေန္တု – ကင်းငြိမ်း လွင့်စင် ကြပါစေကုန်သတည်း။
အညွှန်း –
- လယ်တီဆရာတော် ဘုရားကြီး၏ ဥရောပ ဗုဒ္ဓဘာသာ အလင်းပြကျမ်း ပဏာမနှင့် အာသီသတွင် ပါရှိသော ဂါထာဖြစ်သည်။
- ဘေးအန္တရာယ် ကင်းရှင်း၍ စီးပွားဥစ္စာ တိုးတက်လျက် ဘုန်းကျက်သရေ ကြီးမားတတ်သည်။