ဇယစက္ကော ဇယန္တော ယော၊
ဇယိသဗ္ဗေ ဇယာသနေ၊
ဇယာပေတိ ဇယေသိနံ၊
ဇယံ ဒေတု ဇယုတ္တရော။
အနက် –
ယောဇယစက္ကော – ပါရမီတော် ဆယ်ချက် အောင်လက်နက်ပိုင်ရှင် အကြင်ဘုရားရှင် ကိုယ်တော်မြတ်ကြီးသည်၊
ဇယောသနေ – အောင်သိဒ္ဓိဆင်မြန်းသည့် ပလ္လင်နန်း မှန်ကင်း အောင်ဗောဓိပင်ရင်း၌၊
ဇယိသဗ္ဗေ – အောင်အပ်သည့်တရား မာရ်ငါးပါးအပေါင်းတို့ကို၊
ဇယန္တော – အကြွင်းမဲ့ ချေမှုန်းလျက် ဖျက်ဖြုန်းကာ ပယ်ရှင်း၍ အောင်ခြင်းကြီး အောင်တော်မူခဲ့လေပြီ၊
ဇယေသီနံ – မြတ်နိဗ္ဗာန် အောင်ခန်းနှင့် အောင်ဘိသိက်ပန်း မဂ်ဖိုလ်ကို များထိုထို ဝဋ်အတွင်းမှ လွတ်ကင်းအောင် အာသာကြီးဖြင့် ရှာမှီးကာ နေကြကုန်သူတို့အား၊
ဇယာပေတိ – ကိုယ်တော်မြတ်နှင့်အတူ အောင်ပန်းကို ဆွတ်ချူ၍ ထွတ်အငူ အမြိုက်ဓါတ်သို့ ဆိုက်ကပ်တော်မူစေ၍ အောင်စေတော်မူလေပြီ၊
ဇယုတ္တရော – အောင်သူတကာတို့၏ မှန်ကင်း၊ အောင်ခြင်းတကာတို့၏ ဦးသျှောင် ထွတ်ခေါင်မြတ်သရဖူ သယမ္ဘူမကိုဋ်ထီး အောင်ပွဲဝင် ပုဂ္ဂိုလ်ကြီးဖြစ်ပေထသော၊
သောဇယစက္ကော – အလုံးစုံ အောင်ခြင်းနှင့် ပြည့်စုံတော်မူသော ထိုဘုရားရှင် ကိုယ်တော်မြတ်ကြီးသည်၊
မေ – မြတ်နိဗ္ဗူ အောင်ပန်းကို ဆွတ်ချူရန် လက်လှမ်း၍ ကြိုးပမ်းကာ အာသာကြီးဖြင့် ရှာမှီးသူ အကျွန်ုပ်အား၊
ဇယံ – အောင်ခြင်းကို၊
ဒေတု – ပေးသနားတော်မူပါ အရှင်ဘုရား။
အညွှန်း –
- အနက်ကို တစ်ခေါက်သာစွတ်ဆိုပါ။ ပုတီး (၈) ပတ်စိပ်ပါ။
လောကီလောကုတ္တရာ နှစ်ဖြာ အကျိုးထူးများ ပေးစွမ်းနိုင်သည်။